Það er vægast sagt hriklega flott spá fyrir síðustu umferð Suzuki bikarmótsins sem fer fram í MotoMos á laugardaginn. Spáð er glampandi sól, ekki ský á himni og því glampandi sól. Já, veðurguðinn ætlar að skarta sínu besta á keppnisdag. Verið er að taka brautina hressilega í gegn og lofar Balli, Snorri og þeir sem eru að vinna á ýtunni að hún muni líta hrikalega vel út. Skráning hefur farið ágætlega af stað og nú þegar eru nokkrir komnir í C-flokk sem sést ekki á vef MSÍ þar sem það er skráð með því að senda póst beint á MotoMos. SKRÁNING LOKAR KL.21 Í KVÖLD Á VEF MSÍ en besta uppskriftin af eðal laugardegi er að keppa á laugardaginn í bikartmótinu og fara svo á menningarnóttina í bænum. Gerist ekki betra. Koma svo, skrá sig og hafa gaman af þessu og gera laugardaginn eftirminnilegann með þátttöku. Lesa áfram Frábær spá fyrir bikarmótið á laugardaginn – SKRÁNING LOKAR KL.21 Í KVÖLD
Bolaöldubrautir
Bolaöldubrautirnar skörtuðu sýnu fegursta í gærkvöldi. Fullkominn raki, frábær uppstökk og lendingar, ruttsar hér og þar, engin kvöldsól að bögga, fullt af fólki að leika sér, háþrýstidæla til að hreinsa hjólin áður en haldið var heim á leið. Meira að segja tók einn góður maður flugferð út í móa þar sem hann gleymdi sér í hamingjunni og stökk þar sem ekki átti að stökkva 🙂 . Dagurinn í dag verður á sama veg: Fullkominn raki, frábær uppstökk og lendingar, Garðar sveittur við að viðhalda brautinni til kl 16:00. Og þá verður= Fullt af fólki að leika sér og allir með árs – miða á hjólunum. Gaman saman.
Þar sem síðasta MX keppni ársins verður í Bolaöldubraut þá er vert að minnast þess að síðasti dagur til að æfa sig verður Miðvikudagurinn 22.08.12. Nú er um að gera að nýta sér veðrið og aðstæður.
Brautarstjórn
PS: Heyrst hefur að : “ K- formó“ hafi misst sig í gleðinni og hafi ekki yfirgefið brautina fyrr en um 8 leytið í morgun, þvílík var hamingjan.
Skráning nýliða í Suzuki bikarmótaröðinni á laugardaginn
Ert þú áhugamaður um motocross og hefur aldrei tekið þátt í keppni en langar að prófa? Þá er Suzuki bikarmótaröðin rétti vettvangurinn fyrir þig. Allt sem þú þarft að gera er að senda tölvupóst á netfangið motomos@internet.is með upplýsingar um nafn, síma, hjólategund og kennitölu og þú getur orðið þátttakandi í bikarmótinu. Þátttökugjald er 3.000 kr. og þarf að leggja það inn á reikning MotoMos beint og er reikningsnúmer: 0315-13-301354, kennitala: 511202-3530 og senda svo kvittun á sama netfang. Sá sem skráir sig í nýliðaflokkinn þarf ekki að leigja sendir heldur er þetta hugsað fyrst og fremst fyrir þá sem langar að fá tilfinninguna fyrir því hvernig er að keppa í motocrossi. Ræst er eins og í venjulegri motocrosskeppni og aka ökumenn tvö moto samtals 10 mínutur + 2 hringir. Notast er við talningu og eru ökumenn því taldir í stað þess að nota tímasenda. Þetta er frábær leið til að kynnast sportinu og hvernig það er að keppa í motocrossi. Tekið skal fram að öll hjól í keppninni þurfa að vera skráð, þ.e. á númerum og tryggð. Það á við allar keppendur, ekki bara nýliða.
Skilyrði fyrir þáttöku í þessum flokk er að hafa ekki tekið þátt í íslandsmóti í MX Open eða MX2 áður. Hjólastærð er 125cc tvígengis eða stærra
Hefur þú verið spurð-ur !! Af hverju ertu í þessu sporti?
Eins og sést á myndunum hér fyrir neðan þá er þetta m.a ein af ástæðunum fyrir því að ég er í þessu sporti. Það er þvílíkur tegundarígur á milli manna og jafnan hart barist í brautinni þegar það ber uppá, menn jafnvel kítast þegar svoleiðis gerist. En þegar einhver lendir í vandræðum hlaupa allir til, alveg sama á hvaða tegund menn aka um á. Aron Ómars #66 lenti í því s.l Laugardag að slíta keðju í upphafi á tímatökunum. Það var ekki að spyrja að því, það komu menn úr Honda liðinu, KTM liðinu, Husqvarna liðinu, Kawasaki liðinu, Yamaha liðinu og að sjálfsögðu Suzuki liðinu og lögðu hönd á plóginn til þess að Aron kæmist út aftur til að klára tímatökuna. Gaman saman. Lesa áfram Hefur þú verið spurð-ur !! Af hverju ertu í þessu sporti?
3. umferð SUZUKI bikarmótsins, skráið ykkur!!
Opnað hefur verið fyrir skráningu í 3. umferð Suzuki bikarmótsins sem fer fram á akstursíþróttasvæði Moto-Mos í Mosfellsbæ laugardaginn 18. ágúst. Skráning er opin til kl: 21:00 fimmtudaginn 16. ágúst.
Leiðrétting á úrslitum frá Akureyri
Þau leiðu mistök urðu við útreikning stiga í kvennaflokki að Signý sem kláraði ekki 1. moto fékk stig við útreikning stiganna en hefði átt að vera stigalaus. Með því lenti hún ranglega í þriðja sæti. Þetta var auðvitað ekki rétt. Þess í stað átti Einey Ösp Gunnarsdóttir að fá 3ju verðlaun í kvennaflokki. Við biðjumst afsökunar á þessu. Úrslitin á MyLaps hafa verið uppfærð.