Stemmningin fyrir Klaustur virðist vera engu lík. Vefþjónninn fékk að finna fyrir því í gærkvöldi þegar menn voru hvað spenntastir eftir að klukkan myndi slá tíu. Þjónninn lifði þetta af og skráningin gekk almennt vel fyrir sig, allavega streymdu inn 85 lið á fyrstu 20 mínútunum, þannig það var svipað spennandi að horfa á skráningarnar streyma inn, eins og að horfa á startið á Klaustri 2004.

Helgi Már Gíslason náði holuskotinu og er því fyrstur á ráslínu  en hann var 5 sekúndum á undan Hákoni Inga Sveinbjörnssyni að skrá sig.

Nú eru 306 keppendur skráðir. Lesa meira »

Skráning er hér með hafin í níundu árlegu TransAtlantic Off-Road Challenge. Hin eina og sanna Klaustur keppni.

Vinsamlega vandið ykkur við skráninguna til að forðast mistök og óþarfa bras. Sá sem skráir liðið borgar fyrir alla 3 keppendurna. Einungis er hægt að greiða með kreditkorti. Lágmarksvélastærð í keppnina er 125cc 2T og 250cc 4T. Lágmarksaldur í keppnina er xx ára.

1. Veljið ykkur flokk
2. Veljið hversu margir verða í liðinu
3. Smellið á GREIÐA hnappinn
4. Fyllið út nafn, heimilsfang osfrv fyrir kreditkorthafann
5. Skrifið nafn ALLRA KEPPANDA í liðinu í ATHUGASEMDIR fyrir neðan nafnið á korthafanum
6. Smellið á Greiða með korti og fyllið út kortaupplýsingar

Lesa meira »

Eins og flestir vita að þá mun skráning hefjast kl.22:00 í kvöld hér á vef VÍK.  Þannig að nú fer hver að verða síðastur að ganga frá sínum félagsgjöldum til að geta skráð sig.  VÍK hefur rætt um fjölda takmarkanir í þessa keppni og hafa menn verið að gæla við að takmarka fjöldann við 300 keppendur.  Ekkert hefur verið ákveðið í þá veru ennþá, en ef af verður, að þá gildir sú regla að fyrstu 300 eru inni.  Tekið skal fram, að ekkert hefur verið ákveðið í þeim efnum ennþá en VÍK áskilur sér rétt til að setja slíkar takmarkanir á skráningu ef þurfa þykir.  Einnig hefur VÍK áhuga á að halda sérstaka 85cc og kvennakeppni á laugardaginn 22 mars.  Fyrirkomulag hennar verður auglýst nánar síðar, en í fyrstu hefur verið hugsað um að þetta verði um klukkutíma keppni og hefjist kl.16.  VÍK hefur ekki ákveðið hvort sú keppni verðir skráningarskyld en væntanlega þurfum við að vita hversu margir hafa áhuga á að taka þátt.  Þannig að upplýsingar um 85cc og kvennakeppnina munu fara í loftið fljótlega og hvernig þátttakendur geta tilkynnt þátttöku sína.

Rétt að minna menn á tvo viðburði í kvöld. Fyrst er það viðhaldsnámskeiðið sem VÍK heldur í samstarfi við Bifreiðaverkstæði Reykjavíkur sem er klukkan 19.30 (lesið allt um það hér).

Svo er það skráningin í Klaustur sem hefst klukkan 22:00 hér á forsíðunni á motocross.is

Um helgina, 6-7 mars, var 2 hjólum stolið við Esjuberg, þetta eru tvær Hondur, crossari og Super Moto.

Annað hjólið er: Honda CRF 450f, árgerð 2008, með Super Moto setup, stórum bremsum, bláum gorm, mjög sérstakt hjól. Hjólið var á skrúfudekkjum þegar því var stolið.

Hitt hjólið er Honda CRF 250f, árgerð 2007.

Ef þið hafið einhverjar upplýsingar um hvar þessi hjól gætu verið niðurkomin, þá hafið samband við lögregluna, eða Ármann í síma 698-4323.
Lesa meira »

Á morgun, Miðvikudag, hefst námskeiðaröð VÍK í viðhaldi á drullumöllurum.  Bifreiðaverkstæði Reykjavíkur -  Bæjarflöt 13 Grafarvogi, sér um kennsluna og hefst námskeiðið Kl: 19:30. Góð þáttaka er á námskeiðin og víst er að hinir fróðleiksfúsu fá eitthvað til að moða úr eftir að Einar verður búinn að hella úr viskubrunni sínum. Minnum þáttakendur á að mæta á réttum tíma til að missa ekki af neinu. Þeir sem eiga eftir að borga, vinsamlegast klárið það áður en mætt er á námskeiðið.  

Námskeiðin eru eftirfarandi Lesa meira »