Mývetningar halda um helgina stærstu mótorsporthátíð vetrarins eins og vanalega á þessum árstíma. Veislan byrjar í dag og lýkur á sunnudag. Keppt verður í nokkrum greinum á vélsleðum en einnig fara fram tvær síðustu umferðirnar í Íslandsmótinu í Íscrossi.
Dagskrá
Föstudagur 16/3
14:00 Samhliðabraut við Kröflu (mæting keppenda kl 13:00)
16:00 Fjallaklifur við Kröflu (mæting keppenda kl 15:00)
18:00 Snjóspyrna við Kröflu (mæting keppenda kl 17:00)
21:00 Verðlaunaafhending í Sel-Hótel Mývatn
Þá er komið að því, skráning er hafin í 3. og 4. umferðina í Sno Cross Country 2012 (á vélsleðum) sem munu fara fram laugardaginn 17. mars á Mývatni við norðurenda flugvallarins (sama stað og í fyrra). Fyrstu umferðirnar sem fóru fram í Bolaöldu 4. febrúar tókust alveg frábærlega og vonumst við til að sjá sem flesta mæta til leiks á Mývatni enda næg önnur dagskrá þessa helgi, samhliðabraut, fjallaklifur, snjóspyrna, ískross og endalaus gleði !
Dagskrá:
Mæting: 13.00
3. umferð: 14.00
4. umferð: 16.00
Verðlaunaafhending: 17.30
Svo nú er um að gera fyrir alla sem vettlingi geta valdið að skrá sig til leiks, mæta og hafa gaman !
Lesa áfram Sno Cross Country 2012 – 3. og 4. umferð – Skráning
Þessi sleði er knúinn af rafmagni og er undir 100 kg á þyngd. Spurningin er bara hvernig hann kemst áfram í 40cm djúpum púðursnjó?
Reyndar er þetta bara verkefni bara að taka þátt í einhverri verkfræðisamkeppni, ekki endilega að fara í framleiðslu.
Í dag fór fram á Bolaöldusvæðinu fyrsta snjócrosscountrykeppnin af þremur sem haldnar verða í vetur. Hugmyndin með þessum keppnum var að bjóða upp á einfalt og skemmtilegt keppnisform fyrir sleðamenn þar sem aðalmálið væri skemmtileg keppni í einfaldri braut þar sem allir gætu keppt á jafnréttisgrundvelli. Það er óhætt að segja að þessi fyrsta keppni hafi tekist frábærlega. 24 keppendur voru skráðir til keppni á alls konar sleðum, ungum og öldnum auk þess sem keppendur voru á aldrinum 15 og upp undir fimmtugt. Tvær konur tóku þátt og stóðu sig frábærlega.
Brautin byrjaði fyrir ofan motokrossbrautina og lág inn í Jósepsdal og lykkjaðist upp og niður um brekkurnar í dalnum. Talsvert hart færi var í brautinni í dag og höfðu menn nokkrar áhyggjur af kælingu á beltunum fyrir keppni. Það virtist þó ekki koma að sök þar sem brautin tættist fljótt upp sem dugði til að kæla beltin.
Vegna slæmrar veðurspár fyrir fyrirhugaðann keppnisdag í 1. umferð Sno Cross Country 2012 laugardaginn 4. febrúar hefur verið ákveðið að færa keppnina um einn dag yfir á sunnudaginn 5. febrúar. Á sunnudaginn er spáð flottu veðri og verður keppnin keyrð af fullu afli á sama tímaplani. Það eru flottar aðstæður uppfrá og hefur bætt í snjó, í Bláfjöllum hefur t.d. verið ófært í 2 daga svo nú er um að gera að mæta til leiks og þenja tugguna í snjónum í suðrinu ! Muna að skrá sig hérna á síðunni !
Þá er komið að því, skráning er hafin í 1. umferðina í Sno Cross Country 2012 sem mun fara fram þann 4. febrúar við akstursíþróttasvæði VÍK í Bolaöldu. Fyrir þá sem ekki vita eru þetta einskonar endurokeppnir fyrir snjósleða og er þetta tilraun snjósleðanefndar MSÍ til að sprauta lífi í keppnishald í sleðasportinu hér heima.
Keppt verður í fjórum flokkum, Meistaraflokki, B flokki, Unglingaflokki og Kvennaflokki. Það þurfa að vera 5 í flokk til að hann telji til verðlauna. Allar vélarstærðir eru leyfðar í öllum flokkum nema að í unglingaflokki er 600cc hámark. Keyrðar eru tvær umferðir í hverri keppni og þá seinni umferðin öfugan hring. Allir flokkar fara á sama tíma á ráslínuna en Meistaraflokkur er ræstur 1 mínútu á undan restinni. Það verður hlaupandi start 20 m fyrir aftan hverja ráslínu að sleðanum. Meistaraflokkur keyrir í 2x 75 mínútur og hinir í 2x 45 mínútur.
