Þetta er aðalflokkurinn
Eru þið nokkuð að gleyma að yfirfara linkinn eða keðjusleðana?
Er afturfjöðrunin nokkuð búin að valda ykkur vandræðum? Búin að skrúfa stillingar fram og til baka og ekkert gerist?
Er ekki málið að skella sér í smá eftirlit á tuggunni svo að þetta gerist ekki?
Stjórn VÍK
Hjólafólk vinsamlegast athugið.
Þar sem hlýindi undanfarinna daga hafa kveikt mikla hjólalöngun viljum við árétta!!!. Það verður að leyfa jarðveginum að jafna sig betur áður en farið er að sprautast út um allt á tuggunum. Hjólafar í viðkvæman jarðveg núna getur þýtt stórkostlega skemmd í vor. Vinsamlega nýtið ykkur brautirnar í Þorlákshöfn eða MotoMos, það er leyfilegt og kostar bara 1000 kr að leika sér þar í heilan dag.
Hjólakveðja.
Stjórn VÍK.
Er tuggan búin að standa ó-eða-lítið hreifð í allan vetur?
Hvað þarf að fara yfir fyrir komandi átök?
Skipta um mótorolíu og síu þar sem það á við. Þarf þó að ný olía hafi verið sett á í fyrra. Olían dregur í sig raka!!
Yfirfara keðju og tannhjól.Gott viðmið á keðju er að ekki sé hægt að ýta henni til hliða meira en ca 1/2 – 1 keðjubreidd. ATH ef skipta þarf um keðju þarf líka að skipta um tannhjólin.
Yfirfara legur í link og fjöðrun. Skipta um þær ef rið og drulla hefur hreiðrað um sig.
Yfirfara alla barka, hreinsa og smyrja. Skipta um barkana ef þeir eru birjaðir að trosna.
Ef hjólið hefur ekkert verið notað síðan í fyrra þarf að setja nýtt bensín á tankinn. ATH innspýtingarhjólin eru sérstaklega viðkvæm fyrir gömlu bensíni. Tæma tankinn algjörlega, má nota það bensín á heimilisbílinn td.
Yfirfara dempara. Nauðsynlegt er að skipta um olíu á framdempurum amk einu sinni á ári. Á afturdempara er í lagi að skipta um olíu og gas annaðhvort ár. ATH þetta gildir ekki fyrir keppnishjól. Þar er þörf á olíuskiptum mun oftar.
Fyrir þá sem hafa litla kunnáttu í viðgerðum. Um að gera að skjóta spurningum á vanari hjólakappa í þessu sporti er vanalega ekkert mál að fá ráðleggingar hjá reynsluboltunum. Svo eru líka nokkur frábær verkstæði sem sérhæfa sig í hjólaviðhaldi.
Góða skemmtun.
Stjórn VÍK
Þær fréttir voru að berast að tímar í Reiðhöllinni falla niður á næstunni vegna óviðráðanlegra orsaka. Æfing fellur því niður a morgun, en við byrjum aftur eins fljótt og hægt er. Snjó er farið að leysa í Bolaöldu og ábyggilega stutt í að við getum farið að nota 85 brautina þar.
Kveðja, Helgi og Össi
1. Skráning fer fram á www.msisport.is undir Mótaskrá og Klaustur 2014
2. Þú þarft að vita notendanafn og lykilorð til að geta skráð þig inn á síðuna og skráð þig og félagana til keppni.
3. Velja Klaustur 2014 og viðeigandi flokk, Járnkall, tvímenning, þrímenning osfrv.
4. Ef þú keppir í tveggja eða þriggja manna liði skráirðu NAFN og KENNITÖLU liðsfélaganna ÁÐUR en þú ferð í að samþykkja keppnisyfirlýsinguna og borga.
5. Þessu næst áttu að geta borgað og klárað skráninguna
6. Ef þú lendir í vandræðum með innskráninguna heldurðu ró þinni, sendir póst á vik@motocross.is og við reynum að hjálpa þér
Góða skemmtun
Hér er stutt video frá Klaustri 2013 sem gæti komið einhverjum í fíling… en vonandi endar þetta ekki svona hjá ykkur.