Endurocrossið í Reiðhöllinni í dag heppnaðist gríðarlega vel og óhætt að segja að allir hafi skemmt sér konunglega í troðfullri höllinni. Kári Jónsson var í banastuði og sigraði með nokkrum yfirburðum en Björgvin Stefánsson var annar.

Menn voru almennt virkilega sáttir við umgjörðina á keppninni og brautin var bæði krefjandi og skemmtileg. Grjótakaflinn var nokkur torfær og einhverjir brutu mótorhlífar, beygluðu tannhjól eða misstu af keðjuna. En það er víst partur af þessu öllu.

Nánari fréttir af keppninni síðar.

Endanlegur kepppendafjöldi í Endurokrossinu í Reiðhöllinni á laugardaginn er 32 og þar á meðal allir grimmustu hjólarar landsins sem allir ætla sér að fara heim með verðlaunin. Spennan er því farin að byggjast upp því ljóst er að það verður hörkukeppni í höllinni. Brautin verður væntanlega nokkuð snúin og ólík því sem menn keyra utanhúss en um það snýst líka málið. Verðlaunagripir, peningaverðlaun fyrir alla í 8 manna lokariðli og góðar gjafir til fyrstu manna munu ábyggilega ýta undir hrikalega keppni í höllinni!.

Nokkrar ábendingar fyrir keppnina:
Lesa áfram 32 skráðir í Endurokrossið 5. desember →

Motocross.is og enduro.is taka hér með í notkun nýtt smáauglýsingakerfi á vefnum. Enn er aðeins verið að tilkeyra kerfið og verða gerðar smálagfæringar á næstu dögum. Til dæmis á enn eftir að íslenska hluta þess.

Kerfið er jafnvel einfaldara í notkun en það gamla og fleiri möguleikar í innsetningu mynda og ýmislegt annað góðgæti. Ef þú setur inn auglýsingu færðu tölvupóst frá vefstjóra sem inniheldur lykilorð. Það lykilorð þarftu eingöngu að nota ef þú vilt breyta auglýsingunni eða eyða henni.

Gamla auglýsingakerfið hangir enn uppi svo menn geti skoðað gamlar auglýsingar næstu daga. Smellið hér fyrir það. Nokkrar af nýjustu auglýsingunum voru settar á milli kerfa af vefstjóra.

Nú er um að gera að prófa kerfið og vera við símann.