Að lokum ætlum við að koma með nokkra punkta sem hinir ýmsu MEKKAR hafa gefið okkur.
Aldrei að byrja sumarið með gamalt bensín á tankinum. Notið það frekar á einkabílinn.
Skiptið reglulega um frostlöginn á tuggunni, hann er ekki bara fyrir frostþol, líka fyrir hitaþol og tæringu.
Skiptið MJÖG reglulega um olíu og olíusíu- þar sem það á við.
Bremsuvökva þarf að endurnýja reglulega, einnig þarf að yfirfara allan hreyfanlegan búnað í bremsunum og smyrja eftir þörfum. Að sjálfsögðu þarf að endurnýja bremsuklossa líka, en það vita allir.
Við þrif á hjólinu með háþrýstidælu skal ALDREI beina bununni beint að pakkdósum. Ef það er gert er hætta á því að vatn komist inn að legunum og skemmi þær.
Tæmið loft af framdempurum eftir hvern hjólatúr. ( hafið hjólið á standi með framdekkið á lofti ) Best er að gera það eftir þrif á hjólinu en ekki strax eftir hjólatúrinn.
Skiptið um olíu á dempurum amk einu sinni á ári, sérstaklega á þetta við framdemparana. Afturdemparaolían dugir aðeins betur, en þó skynsamlegt að endurnýja einu sinni á ári.
Ef ykkur vantar upplýsingar um reglulegt viðhald!! Spyrjið næsta vana hjólamann, margir hverjir eru hoknir af reynslu og finnst ekkert mál að segja til.
Vonandi hafa þessir punktar hjálpað ykkur eitthvað.
