Vefmyndavél

Suzuki liðið

Liðsstjóri Suzuki hefur hætt keppni vegna meiðsla. En eftir krass í Vestmannaeyjum hefur Þór átt við bakmeiðsl að stríða. Eftir cd skanna á Borgarspítalaunum kom í ljós gúlpur út úr einum hryggjaliðnum í mjóbaki. Mun það vera myndun á brjósklosi.
En maður kemur í manns stað. Nýr maður í Suzuki liðinu er Gylfi Freyr Guðmundsson. Gylfi er 16 ára gamall, mikið efni. Hann keppir í B flokki. Hann varð í 2. sæti í enduro Borgarnesi, 3 sæti motocross Vestmannaeyjum og 2. sæti Enduro Húsavík.
Suzuki liðið var yngsta liðið með meðalaldurinn 22,75 ár en er nú lang yngsta liðið með meðalaldurinn 18 ár. Það leikur engin vafi á að þarna fer lið framtíðarinnar. ÞÞ.

Demparamál

Ragnar Stefánsson hefur sent vefnum athugasemdir vegna dempara.

Ég hef sérstaklega tekið eftir því síðustu daga þegar menn hafa byrjað að keyra í alvöru frosti að það er þó nokkuð um það að pakkdósir eru að fara í dempurum !!! Ég vil ekki alhæfa neitt en aðal ástæðan er sú að flestir hugsa aldrei um að það kannski þarf að stunda smá viðhald á dempurum ! Á flestum þeim dempurum sem fara illa í frostinu hefur aldrei verið skipt um oliu og gas……….. Það er reyndar nauðsynlegt að gera „service“ á dempurunum allavega einu sinni á ári, bæði til að halda góðri virkni og eins til að minnka líkurnar á bilun.
Með von um að þessar upplýsingar útskýri eitthvað.
Kveðja Raggi
P.S. velkomið að hringja með spurningar s:5870066

Svar við athugasemd

Vefnum hefur borist svar við athugasemd á ískeppni frá Steina Tótu.

VÍH og Mývetningar standa sameiginlega að mótaröð í ísakstri sem hefur verið ákveðið að sé til Íslandsmeistara. Þessi ákvörðun er tekin í samráði við VÍK og MSÍ. Þetta er í fyrsta skipti sem slík mótaröð er haldin til Íslandsmeistara og liggja ekki fyrir neinar eldri reglur þar um. Reglur eru samdar upp úr reglum sem notast var við á síðasta ári í æfingakeppni á vegum VÍK. Einnig hefur verið stuðst við reglur erlendis frá og reynslu úr æfingamótum á Mývatni. Sú fullyrðing Steina að það séu til reglur er því röng. Hvað varðar naglafjöldann í verksmiðjuframleiddum dekkjum, þá var stuðst við vörulista frá Trelleborg og Michelin þegar hann var ákvarðaður. Við getum ekki séð að það séu til verksmiðjuframleidd dekk frá þessum framleiðendum með fleiri nöglum. Þetta eru þau dekk sem eru almennt í notkun hérlendis og ríkir almenn sátt um að séu sett saman í flokk. Allur annar dekkjabúnaður innan marka um lengd gadda og hámarksfjölda í dekki fer í opinn flokk. Það er því ekki verið að útiloka neinn frá keppni.
Með vinsemd og kveðju
Aron Reynisson

Athugasemd á Íscross

Vefnum hefur borist athugasemd á Íscrossið.

Ískeppni á vegum VÍH! Frábært framtak. Menn koma færandi hendi með allt sem þarf. Nema reglur. Þar er smá Njörður, Gjafar og Galli.
Það er ekki hægt að kalla þessa keppni íslandsmót.
Öll önnur nöfn duga, bara ekki íslandsmót. Ástæðan er einföld:
Það eru til reglur um slík mót. Þeim verður ekkert breytt bara allt í einu. Naglafjöldi í dekkjum og slíkt er ekki háð neinni dags-skipan. Það eru til reglur um ískross í íslandmeistarakeppni og eftir þeim verður að fara. Það þarf engra nánari skýringa við.
Ungir púkar sem hafa safnað alla sína ævi fyrir 350 nagla dekkjum til að keppa á verða ekkert undanskildir úr ísl.Móti vegna hugdetta dagsins hjá einhverjum sem kalla sig VÍH og telja sig geta haldið einhver mót bara vegna þess að þeir geta það eða vilja!
Ég segi bara „HALLO“ Hafnarfjörður. Útsláttur er eflaust gott mál en? Hvaða reglur á að styðjast við?
Ég styð keppnishaldið og allur vilji og vinna sem fæst í slíkt er hreint æðislegt. Pössum okku bara á titlinum. Köllum þetta ískross meistara eitthvað, vetrar meistara eitthvað eða bara VÍH meistartitil.
Ísl.Meistaratitill þarf miklu meiri tíma. Það breytir enginn reglunum á keppnisdegi.
Nýjar keppnis reglur geta ekki tekið gildi fyrr en minnst ári eftir að Aðalfundur samþykkir breytingar. Gildir einu hvort það sé MotoCross, Enduro eða ísCross.
Reynið að sjá fyrir ykku einhverjar keppnisgreinar til ísl,Meistara, séu það ofbeldisíþróttir eins og hand eða fótbolti, Golf, hestamennska eða what ever þar sem reglum er breytt viku fyrir keppni!
Íscross er geggjað. Það verður enginn íslandsmeistari samt sem áður á vegum VÍH. Það verður að gerast á vegum VÍK eftir þeim reglum sem eru fyrir það.
VÍH hins vegar eru að gera sig gildandi í sportinu og gera það vel. Verða bara að fatta takmörkin. Þau eru ekki alveg eins og við blasir.:):D

Steini Tótu.

Motocross 2002

Hugmyndir keppnisstjóra að keppnisfyrirkomulagi í Motocrossi 2002:

Nýtt fyrirkomulag til að takmarka fjölda keppenda í hverjum flokki fyrir sig.

Ekki er ósennilegt  miðað við þátttöku 2001 að búast megi við allt að 50 –70 keppendum 2002 og tel ég því nauðsynlegt að útbúa nýtt og eins sanngjarnt kerfi og mögulegt er.

Vefnum hefur borist „Hugmyndir keppnisstjóra um motocross 2002“ sem eru birtar

Hugmyndin er eftirfarandi: Í upphafi hverrar keppni verða hjólaðir 6 – 8 upphitunarhringir og jafnframt tekinn tími. 20 bestu rásnúmer frá liðnu ári verða látin hjóla saman í fyrstu æfingahringjunum. Besti tími hvers manns verði notaður til að ákveða í hvað flokk viðkomandi lendir. 20 keppendur verða í A flokk og næstu 20 bestu tímarnir lenda í B flokk og rest lendir í C flokk. Þetta fyrirkomulag yrði til þess að allir keppendur kæmu til með að hjóla með mönnum með svipaða hjólakunnáttu, sem yrði bæði meira spennandi og án efa mun öruggara heldur en að láta menn vera að hjóla saman með mjög mismunandi mikla hjólakunnáttu. Einungis A flokkur er að keppa til Íslandsmeistara og ekki er hægt að ná í fleiri stig en 1 nema lenda ofar en í 17 sæti. Aftur á móti eru bæði B og C flokkur að keppa um sæti í heildarkeppninni og um leið að vinna sig uppí B eða A flokk. Með þessu fyrirkomulagi er auðvelt að halda liðakeppninni inni og allir eiga sama möguleika á að ná í stig úr pottinum.

Og takið eftir því að næsta keppni á eftir gefur þér alltaf þann möguleika á að vera kominn í hvaða flokk sem er vegna tímatökunar í upphafi hverrar keppni.

Einnig tel ég þetta vera mjög spennandi fyrir nýliða, vitandi það að þú ert að keppa við aðra keppendur með svipaða hjólakunnáttu og þú er með.

A flokkur 3x 15mín+ tveir hringir

B flokkur 3x 10mín+ tveir hringir

C flokkur 2x 10mín+ tveir hringir

C flokkur byrjar keppnina og  klárar báðar umferðir með 10 mínútna pásu.

B flokkur fer næst og skiptist á á móti A flokk, og A flokkur líkur keppninni.

Veitt verða bikarverðlaun í A flokk fyrir fyrstu 3 sætin.

Verðlaunapeningar verða veittir fyrir  fyrstu þrjú sætin í B og einnig í C flokk.

Kveðja Skúli keppnisstjóri.

Fréttatilkynning frá KTM

Gleðilegt Ár og þökkum liðin.
Nýtt keppnisár er framundan og miklar breytingar hafa orðið á skipan keppnisliða fyrir 2002. Team KTM Ísland er engin undantekning frá því.  Viggó Viggósson hefur sagt skilið við liðið eftir 2 góð ár og Moto-Cross titil 2000 og  Enduro titil 2001, við þökkum Viggó fyrir frábæran árangur og óskum honum velfarnaðar í  nýju keppnisliði á komandi tímabili.

Team KTM Ísland Shell – Coca-Cola – KitKat 2002 verður skipað eftirfarandi ökumönnum.
Einar Sigurðarson #4 KTM 520 SX / EXC
Helgi Valur Georgsson #5 KTM 380 SX / 520 EXC
Guðmundur Sigurðsson #9 KTM 380 EXC
Gunnar Þór Gunnarsson #15 KTM 300 EXC
Liðsstjórn: Karl Gunnlaugsson & Sigurjón Bruno Walters.

Síða 20 af 27« Fyrsta...1819202122...Síðasta »