Við hér á motocross.is erum að fara af stað með nýjan viðtalsdálk hér á síðunni. Spjallað verður við hina og þessa sem tengjast sportinu á einn eða annan hjátt. Fyrstur í viðtalið hjá okkur er meistari meistaranna Einar S. Sigurðarson sem er einmitt bæði Íslandsmeistari í motocross og Enduro.
Hvað er að frétta af þér? Handleggsbrotinn?
Allt gott að frétta af mér.
Já ég handleggsbrotnaði í Vestmanneyjum fyrir þremur vikum. Það vildi þannig til að gamli freestylepallurinn stóð uppá hrauni og leit svolítið illa út.
Mig langaði samt að prófa að stökkva. Í fyrstu…
virtist þetta vera allt í lagi þar sem í miðjunni var stálbiti undir. Eftir nokkur stökk og hneykslunarsvipi frá félögunum, þá kom að því að ég rann aðeins til fyrir pallinn, hitti ekki á miðjuna og framdekkið beint í gegnum krossviðinn. Ég hins vegar kláraði stökkið en bara á hvolfi.
Ég er orðinn nokkuð vanur að brotna þannig að mig grunaði strax hvað hafði gerst og fór uppá sjúkrahús í röntgen.
Mætirðu í fyrstu keppni?
Já þó ég hjóli með „einari“.
Hvað hefurðu átt mörg hjól á ævinni?
Einhverstaðar á milli 50 og 100.
Hvernig hjól munt þú nota í sumar?
Ég nota KTM 505SX.
Hvað er á náttborðinu þínu?
Svali, snuð og Bókin The Kurt Nicoll way.
Bloggar þú?
Nei
Hvernig ertu búinn að hátta undirbúningi í vetur?
Ég er búin að vera duglegur að hjóla og hafa gaman, ég hef ekkert farið erlendis síðan á Norðurlandamótinu.
Hver er uppáhaldasbrautin þín?
Mér er eiginlega alveg sama ef þær eru í góðu standi. Hafa allar sinn karakter.
Hverjir eru styrktaraðilar þínir?
KTM/MOTO, Össur, Shell, KFC, Artis, Húsart, ásamt fleirum sem eru í vinnslu þessa stundina
Styðurðu ríkisstjórnina?
Já.
Hvaða skónúmer notar þú?
Nr. 45
Hvaða önnur áhugamál hefur þú fyrir utan mótorhjól?
Öllu með vél.
Í hvaða félagi ertu?
Vík og Moto Mos
Hver eru markmið þín í sumar?
Bara að hafa gaman af þessu.
Hvaða spurningu viltu leggja fyrir næsta gest okkar?
Hvað þarf að gera til að fá fleiri einstaklinga til að vinna með í félagsstarfinu ?
Láttu þér batna fljótt og gangi þér vel í sumar.