Í framhaldi af „Heyrst hefur…“ sem birtist 22.01.03 þar sem kom fram að búið væri að smíða Hafnfirskan freestyle stökkpall þá hefur það fengist staðfest.  Pallurinn var smíðaður fyrir 3 mánuðum úr járni og viði af alvöru hafnfirðingi, Helga Már.

Þátturinn FASTRAX verður sýndur á miðvikudagskvöldum á Sýn í allan vetur. Í kvöld kl. 10.00 verða sýndar ca. 10 mín. af ELF AIRWAR 2 frá Sheffield England sem er freestyle mx. Þeir sem hafa aðgang að Sýn mega ekki missa af þessu.

Þátturinn Ljóshraði verður sýndur í kvöld, um klukkan 19:45, rétt fyrir þáttinn Jackass.  Sýnt verður frá Valda Pastrana og Steina spreyta sig á sama stökkpalli og notaður var á árshátíð VÍK af Frederik.

Meðfylgjandi „vídeó-klipp“ sýnir misheppnaða tilraun einhvers útlendings til að sýna „back-flip“.  Vefurinn hvetur alla íslenska hjólamenn til að hefja æfingar á þessu „stunti“ og í framhaldi af því sýna heiminum að svona tilþrif eru ekkert tiltökumál fyrir íslenska hjólamenn.  Sjá „stunt“.

Freestyle motocross á Íslandi
Sænska ofurhetjan Fredrik Hedman ætlar að halda stórkostlega sýningu á mótorhjóla-áhættuatriðum í fyrsta sinn á Íslandi. Hedman er þekktur um alla Evrópu og er talinn sá allra besti í Skandinavíu.
Atburðurinn fer fram í Reiðhöllinni Víðidal miðvikudaginn 14.nóvember klukkan 20
Atriðin sem hann sýnir eru á heimsmælikvarða og er hann aðeins hársbreidd frá rjáfum Reiðhallarinnar þegar hann sleppir höndum og fótum í atriðum eins og Cliffhanger.
Þetta fær hjartað til að taka aukaslag.
Ekki missa af þessu
Miðaverð aðeins 1000 kr. en 500 kr. fyrir 12 ára og yngri.
Miðasala hefst klukkan 19.
Látið þetta berast!! Lesa áfram Önnur freestyle sýning →

Á VÍK árshátíðinni átti að sprengja loftið á Reiðhöllinni í Víðidal og koma öllum árshátíðar-gestum það vel á óvart að þeir mundu aldrei muna annað eins.  Síðasta alvöru STUNT atriði var fyrir ónefndum árum og algjörlega ó-planað en það voru tilþrif ónefnds hjólamanns, ekki ódrukkinn, í jakkafötum á 11 þúsund snúningum upp Suðurlandsbraut.  Sú ferð endaði framan á leigubíl og hvorki hjól né jakkaföt voru nothæf á eftir.  Vefstjóri saknar ónefnds og biður hann um að vakna af dvala sínum og byrja að hjóla aftur.
En aftur að VÍK STUNT atriðinu sem verður á heimsmælikvarða svo vægt sé til orða tekið.  Ekki stóð til að kynna þetta atriði fyrirfram og átti að koma öllum „hrikalega“ á óvart.  Eftir ýmsar vangaveltur komst sú niðurstaða á pappír að ekki væri það réttlætanlegt að láta álíka STUNT fréttast eftirá… fyrir þá sem ekki mæta.
Fredrik Hedman, einn besti hálofta mótorhjólamaður Evrópu og fyrrverandi atvinnumaður í motocross mun sýna listir sýnar í Reiðhöllinni í Víðidal á árshátíð VÍK. Þetta er einstakt tækifæri til þess að sjá Freestyle motocross á heimsmælikvarða. Þannig að það er eins gott að tryggja sér miða á árshátíðina núna, því engin alvöru mótorhjólamaður klikkar á þessu.  Myndir af Fredrik hafa verið birtar.