Bolaalda

Þegar komið er frá Reykjavík er rauða punktalínan elt upp að stóra rauða blettinum.

Bolaöldusvæðið var opnað árið 2006 og þar hefur verið byggt upp eitt fjölbreyttasta aksturssvæði á landinu með tug kílómetra löngu enduro-slóðaneti, byrjendabrautum og motocrossbraut í fullri stærð.
Á svæðinu er félagshús með búnings- og salernisaðstöðu sem er opin á opnunartíma brauta.

Í græna þjónustugámnum er einnig þvottaaðstaða sem amk. fyrst um sinn stendur gestum til boða án endurgjalds. Þar er einnig loftdæla til að pumpa í dekk. Ennfremur verið sett upp vökvunarkerfið í motocrossbrautina svo hægt sé að keyra brautina þó ekki rigni vikum saman eins og gerst hefur undanfarin sumur. Við brautina hafa einnig verið sett upp starthlið á steyptri undirstöðu sem er hin fyrstu sinnar tegundar á landinu og eiga eftir að gjörbreyta öllu keppnishaldi á svæðinu. Þegar eru komin upp 30 hlið en pláss er fyrir 40 hlið á startplötunni.

Motocrossbrautin er í þróun og er enn verið að breyta og bæta við pöllum og laga ákveðna kafla. Þó er komin mjög ákveðin mynd á hana sem verður ekki mikið breytt. Til að auka fjölbreytina eru reyndar uppi hugmyndir um að snúa akstursstefnunni reglulega við þe. keyra öfugan hring reglulega miðað við núverandi akstursstefnu. Sömuleiðis er verið að ræða uppsetningu á nýrri braut við hliðina á startinu sem yrði með meiri mold og tæknilegri en stóra brautin.

Æfingabraut fyrir minni hjól, allt að 85cc (tvígengis – 125 fjórgengis) er norðan við bílastæðið og í hana kostar 500 kr.

Byrjendabraut á svæðinu sem er litli hringurinn næst Draugahlíðunum og er ókeypis aðgangur í hana.

Opnunartímar MX brauta í Bolaöldu:

• Þriðjudagar 14-21
• Fimmtudagar 14-21
• Laugardagar 10-17
• Sunnudagar 10-17
• Lokað í mx-braut mánudaga, miðvikudaga og föstudaga.
• Endúróbrautin er alltaf opin.

Enduro-slóðar hafa verið lagðir mjög víða um svæðið og eru vel merktir. Nánari upplýsingar má sjá á slóðakortinu hér. Aðgangur að enduroslóðunum er ókeypis.  Stranglega er bannað að aka utan brauta og slóða.

Hér er loftmynd af brautunum og hér önnur af aðal motocross brautinni og hér er ein tekin í ágúst 2009

Brautargjöld (dagspassi):

Verðskrá:

• Árskort stórt hjól 24.000 (smella til að kaupa)
• Árskort lítið hjól: 12.000 (smella til að kaupa)
• Dagskort í crossbraut fyrir félagsmenn: 1.200 kr.
• Dagskort í endúróbraut fyrir félagsmenn: frítt
• Dagskort í crossbraut fyrir utanfélgasmenn: 1.500 kr.
• Dagskort í endúróbraut fyrir utanfélagsmenn: 1.000 kr
• kr. 500,- Hjól 85cc tvígengishjól og 150cc fjórgengishjól eða minni

Athugið að ökumenn undir 18 ára aldri þurfa ávallt að hafa meðferðis skriflegt leyfi
forráðamanna fyrir akstri. Sjá hér

Dagpassar fást í Litlu kaffistofunni og á bensínstöð Olís við Rauðavatn.  Árskort má nálgast hér á síðunni.  Þar geta nýir félagar skráð sig og þar má einnig greiða félagsgjöld.

Athugið að akstur og allt spól er stranglega bannað á bílastæðunum og annars staðar á svæðum sem verið er að slétta. Stefnan er að reyna að græða sem mest af opnu svæðunum í kringum brautirnar til að draga úr ryki og til að gera svæðið grænna. Sama á um veginn fram hjá bílastæðunum en þar er 30 km hámarkshraði.

Fylgist með nýjustu fréttum um ástand og opnunartíma í dálknum “Ástand brauta” hér á síðunni

Miðalausum ökumönnum verður vísað úr brautinn – skemur eða lengur!
Það er á engan hátt liðið að menn sleppi því að borga fyrir afnot brauta og hefur stjórn VÍK ákveðið eftirfarandi viðurlög:

1. Miðalaus ökumaður í brautinni = brottvísun úr brautinni fyrir daginn.
Þetta á einnig við þó “miðinn sé uppí bíl”. Þetta er algengasta svarið sem menn gefa fyrir miðaleysi og engin leið að elta menn um allt svæðið til að sannreyna þetta. MUNIÐ: Miði sem er ekki á hjóli hefur sömu stöðu og ókeyptur miði ! !

2. Miðalaus ökumaður í annað skipti = 30 daga útilokun frá brautum VÍK.
Sektir eða almenn tilmæli og áróður virðist duga skammt á suma og því hefur félagið ákveðið að bregðast mjög hart við ítrekuðum tilfellum. Ásókn og slit á brautunum er gríðarlegt sem kallar á mjög mikla og dýra ýtuvinnu á nánast hverjum degi.  Þeir sem ekki borga verða hreinlega að vera annars staðar.

3. Alvarlegri brot eða ítrekuð = ákvörðun stjórnar VÍK í hvert sinn.
Það er stjórn síður en svo ánægjulegt að standa í svona aðgerðum. Það er hins vegar alveg klárt að eigi félagið að lifa af þennan gríðarlega vöxt í aðsókn verður að grípa til svona óskemmtilegra aðgerða.

Stjórn VÍK

Veðrið frá Veðurstofu Íslands í beinni útsendingu: