Sherco umboðið, sem flutt hefur inn hágæða Trial og Enduro hjól undanfarin ár, hefur verið keypt af MXsport.is. MXsport.is mun halda áfram því góða starfi sem unnið hefur verið í markaðsetningu spænsku Sherco hjólanna á Íslandi. Sér í lagi hefur orðið aukning að undanförnu í Trial hér á landi. Trial hjólin frá Sherco hafa náði miklum vinsældum og voru meðal annars Evrópumeistari og heimsmeistari í Trial 2008 báðir á Sherco hjólum. Einnig hefur Sherco unnið Scottish Six Days Trial (SSDT) keppnina fimm ár í röð. Að lokum má geta að það var ökumaður á Sherco Enduro hjóli sem sigraði Red Bull Romaniacs 2008, þetta er erfiðasta hard Enduro keppni heims, og var hann sá fyrsti til að sigra þessa keppni á fjórgengis hjóli. Þess fyrir utan framleiðir Sherco einnig 50cc skellinöðrur. Þjónustuaðili er hinn þaulreyndi Jón Bjarnarson í B Racing ehf sem hefur stundað Trial um árabil. Hægt er að fræðast nánar um Sherco hjólin á www.sherco.is