Innan torfæruvélhjólaíþróttarinnar eru starfræktir nokkrir klúbbar á landsvísu sem vinna að framgangi íþróttarinnar. Vélhjólaíþróttaklúbburinn (VÍK) er þeirra stærstur og er hagsmunafélag þeirra sem keppa og ferðast á torfæruvélhjólum. Fjölgun torfæruhjóla hefur verið mikil undanfarin ár, enda um sérlega spennandi og skemmtilega íþrótt að ræða en auk þess eru mjög margir sem nýta torfæruhjól til ferðalaga um landið.

VÍK stendur fyrir fjölda keppna á hverju ári, aðallega í tveimur greinum: motocross og enduro. Motocross er kappakstur þar sem ekin er stutt hringlaga keppnisbraut með manngerðum stökkpöllum og beygjum. Enduro er eins konar þolaksturskeppni þar sem ekið er á mun stærra svæði í náttúrulegu landslagi, á vegum og á slóðum. Mikill fjöldi ökumanna tekur þátt í keppnum á vegum félagsins á ári hverju en áætlað er að allt að 5000 torfæruhjól sé að finna í landinu. Til marks um fjölgunina í íþróttinni má nefna að 2007 tóku á fimmta hundrað ökumenn þátt í endurokeppninni Atlantic Off-Road Challenge, sem haldin var í nágrenni Kirkjubæjarklausturs. Þessi keppni mun vera stærsta akstursíþróttakeppni og ein fimmta fjölmennasta íþróttakeppni sem haldin er hérlendis.

Vélhjólaíþróttaklúbburinn hefur frá stofnun félagsins 1978 barist ötullega fyrir því að fá viðunandi og varanlega æfingaaðstöðu fyrir félagsmenn sína. Árið 2003 fékk félagið úthlutað motocrosssvæði í nágrenni Reykjavíkur sem nýtist motocrossmönnum vel til æfinga og keppni í. Árið 2005 samdi VÍK ennfremur við Sveitarfélagið Ölfus um afnot af Bolaöldusvæðinu og Jósepsdal fyrir íþróttina. Bæði þessi svæði eru í uppbyggingu og er mikið verk óunnið ennþá. Svæðin leysa þó einungis hluta vandans enda einungis hluti vélhjólamanna sem stundar þá grein íþróttarinnar og mikil þörf fyrir skýrari skilgreiningar og aðgengi að vegum og slóðum.

Félagsgjald VÍK er fljótt að borga sig!
Félagsgjald VÍK er aðeins 4000 krónur og með því að greiða félagsgjaldið styður þú starf VÍK og færð að auki afsláttarkort sem veitir 5-30% afslátt hjá fjölda aðila.

Sjá hér lista yfir þá sem veita félagsmönnum afslátt

Afsláttur af bensíni hjá Olís og Litlu kaffistofuna
Miðar í brautirnar munu fást í sumar á bensínstöðvum Olís og í Litlu kaffistofunni. Á móti styrkir Olís félagið veglega og gerir okkur kleift að halda uppbyggingunni áfram. Félagsmenn munu fá sent viðskiptakort Olís sem félagsskírteini en það veitir þeim 4 kr. afslátt af bensíni (full þjónusta) og 2 kr. afslátt af hverjum lítra í sjálfsafgreiðslu auk 10% afslátt af flestri annarri vöru á Olís stöðvum og hjá Ellingsen. Af öllum kaupum félagsmanna renna 0,5% til VÍK sem viðbótarstyrkur þannig að þú styrkir félagið enn frekar með því að versla hjá Olís.

Lægri brautargjöld – frí afnot af enduroslóða á Bolaöldusvæðinu
Félagsmenn VÍK greiða aðeins fyrir afnot af motocrossbrautunum í Álfsnesi og Bolaöldu. Afnot af enduroslóðunum eru ókeypis en allir aðrir greiða dagspassaverð fyrir afnot af slóðunum. Þú sparar þér því umtalsverða fjármuni með því að vera félagi í VÍK

Árskort og mánaðarkort í boði fyrir félagsmenn
Félagsmenn í VÍK geta keypt árskort í motocrossbrautirnar. Hvert árskort gildir bæði í Álfsnes og Bolaöldu.

Hægt er kaupa þau hér á vefnum:
Smellið hér fyrir stórt hjól  verð 29.000 krónur(125cc tvígengis og 250cc fjórgengis og stærra)
Smellið hér fyrir lítið hjól verð 14.500 krónur

Stjórn VÍK er að leita leiða til að geta boðið öllum undir 18 ára aldri að nýta Frístundakortið til að kaupa árskortin.

Fjölskyldugjaldið er 7.000 kr. og þá er öll fjölskyldan greidd
Því miður var ekki hægt að gera ráð fyrir fjölskyldugjaldinu í útsendingunni þannig að ef öll fjölskyldan er skráð þá er hægt að millifæra gjaldið á reikning VÍK og þá fellum við greiðsluseðlana niður í heimabankanum. Sendu póst á vik@motocross.is til að fá nánari upplýsingar.

Yfirlit yfir verð

Félagsskírteini
Olís mun senda skírteini á alla sem greiða félagsgjaldið fyrir 1. júní. Einnig er hægt að prenta út staðfestingu/”skírteini” í félagakerfinu.

Leggðu þitt af mörkum – borgaðu félagsgjald í VÍK 2010 sem fyrst í félagkerfinu.
Greiðsluseðlar eru sendir út á vorin.

Hér getur þú skráð þig í VÍK er þú ert ekki enn félagi: FÉLAGAKERFI