Vefmyndavél

Sumarið er tíminn og nú er gott að yfirfara tugguna.

Munum setja inn nokkur góð kennslumyndbönd frá vinum okkar hjá Trans World Motocross á næstu dögum.

Að yfirfara linkinn er nauðsynlegt og það hellst 2-4 sinnum á ári. Ónýtar legur í linknum verða til þess að fjöðrunin virkar ekki á réttan hátt.

Klikkið á, skoðið vel og drífið ykkur í að græja og gera.

Linkur á greinina 

Brautir um páskana og árskort

Bolalda_april2011Álfsnes er enn rennandi blautt og enn er snjór og næturfrost þannig að það bráðnar hægt í Bolaöldu. Svæðið þar er ansi blautt víða og verður því alveg lokað um páskana. EN – Motomos er í fínu standi og Þorlákshöfn sömuleiðis og við hvetjum því alla til að nýta sér aðstöðuna þar um páskana.

Annars stefnum við á að opna brautir VÍK við fyrsta tækifæri – árskort kostar ekki nema 12.000 kr. núna með félagsgjaldi og er hægt kaupa það hér á vefnum og greiða í einni greiðslu eða 1000 kall á mánuði í 12 mánuði – lítið mál sumsagt! Það er því um að gera að kaupa sér kort sem fyrst og vera klár þegar svæðin opna. Gleðilega páska

Krakkaæfingar byrja 7 Apríl / Alla sunnudaga í Apríl

Við ætlum að byrja með æfingar fyrir krakkana í Bolöldu þann 7.Apríl næstkomandi kl 16. Við ætlum að vera alla sunnudaga í Apríl svo byrjar svokallaða sumarnámskeiðið okkar tvisvar í viku strax í Maí.
Þetta námskeið er í raun smá upphitun fyrir sumarið og kostar mánuðurinn 8.000.- Við erum orðnir spenntir að hitta krakkana aftur og hefja nýtt tímabil. Við óskum líka eftir því að fá 4-6 foreldra í foreldraráð fyrir sumarið sem hafa áhuga á að hjálpa okkur að ná inn fleiri krökkum ásamt því að halda utan um litlu bikarkeppnirnar sem verða í sumar eftir frábæra þáttöku í fyrra. Gott væri að foreldrar boði þáttöku á namskeid@motocross.is svo við sjáum hvað margir vilja taka þátt í Apríl.

Sumarkortið fer í sölu í Apríl. Endilega kynnið ykkur byltingu í brautar & félagsmálum okkar.

VÍK blæs til sóknar og boðar byltingu er varðar félags- og brautargjöld til félagsmanna.  Er það von stjórnar VÍK að með þessu sé komið til móts við sem flesta aðila sem að þessu sporti koma og jafnframt auki áhuga manna á að nýta sér þá frábæru aðstöðu sem er í boði og vera virkir félagsmenn.  Ein breyting verður þó hvað varðar endurosvæði VÍK í Bolaöldu og það er að VÍK mun hér eftir rukka fyrir akstur á því svæði.  En hér fyrir neðan má sjá það helsta.

  • Almennt félagsgjald 5.000 kr. – óbreytt á milli ára
  • Nýtt – Félags- og brautargjald sameinað í eitt fyrir allt árið eða aðeins 12.000 kr. sem gildir í allar brautir VÍK og er hægt að greiða með valgreiðslu fyrirkomulagi og greiða 1.000 kr. á mánuði í tólf mánuði, 2.000 kr. í sex mánuði eða með eingreiðslu (tímabil 1 mars 2013 til 1 mars 2014)
  • Nýtt – Frítt fyrir 85cc tvígengis/150cc fjórgengis hjól og minni
  • 50% afsláttur af æfingargjöldum hjá VÍK í sumar og frítt foreldrakort fylgir með
  • Stakur miði í braut 1.000 kr. í bæði motocross og endurobrautir

Hér er um algjöra nýjung að ræða og munar engum um að greiða 1.000 kr. á mánuði sem gildir bæði sem félagsgjald í félagið og sem brautargjald í allar brautir félagsins.  Einnig er frítt fyrr öll 85cc hjól og þaðan fyrir neðan og þar af auki býður VÍK nú í fyrsta sinn foreldrum krakka sem eru á æfingum að fá frítt kort sem fylgir því að vera með krakkana sem eru 16 ára og yngri á námskeiðum hjá VÍK.  Þannig að nú er engin ástæða til að fara ekki með krakkana í brautir því það er frítt og þar að auki getur þú nú iðkað skemmtilegt sport á meðan börnin þín eru á námskeiðinu hjá VÍK.

Enn reynt að svindla á seljendum á smáauglýsingavef motocross.is

Um daginn birtist hér smá frétt um það að óprúttnir aðilar færu farnir að skanna auglýsingar og bjóðast til að kaupa hjól með því að greiða í gegnum PayPal. Þessir aðilar eru ennþá að. Leikurinn virkar þannig að væntanlegur kaupandi gerir sér far um að vera erlendur aðili sem vill endilega kaupa hjólið á uppsettu verði án þess að spyrja nokkuð frekar út í ástand þess og þarf seljandi að stofna reikning hjá PayPal til að hægt sé að ganga frá greiðslunni. Svindlið virkar þannig að hin svo kallaði „kaupandi“ hefur svo samband og segist hafa borgað of háa upphæð á reikning þinn og þó svo að þú hafir ekki ennþá sé greiðsluna sjálfur á reikning þínum hjá PayPal að þá á hann eftir að senda þér kvittun sem sýnir þér hans millifærslu, sem „by the way“ er fölsuð, og biður þig um að leggja á sig til baka mismunin. En í raun var aldrei um neina greiðslu að ræða og er hann/þeir með þessu að reyna að hafa okkur seljendur af féþúfu. Þeir sem falla fyrir þessu sitja svo uppi með sárt ennið og hafa ekki gert neitt annað en tapað pening og sjálfsáliti sínu fyrir að hafa látið hafa sig af fífli.

Þessi aðili sem hafði samband við mig kynnti sig sem Harry Jones og tjáði mér að hann væri sjávarlíffræðingur sem ynni erlendis sem gæti bara starfs síns vegna ekki komið og skoðað hjólið. í framhaldi spurðu ég hann hvort það stæði til að flytja hjólið út, þ.e. úr landi, og svaraði hann að bragði að ég ætti bara að stofna PayPal reikning svo hann gæti gengið frá greiðslu og svo myndi fulltrúi hans koma og sækja hjólið. Ég ítrekaði spurninguna hvort til stæði að flytja hjólið úr landi og svaraði hann því þá að svo væri. En það er ljóst að ef svo er, að þá er þessi aðili ekki ýkja gáfaður einstaklingur því notuð hjól eru margfalt ódýrari erlendis heldur en hér heima fyrir utan að þurfa ekki að standa í flutning á hjólinu frá landinu og inn í það land sem hann er staðsettur í. Þar með er grímann fallinn og ljóst að þessi aðili, þ.e. hin svokallaði Harry Jones, hefur eingöngu samband við mig til að reyna að fá mig til að endurgreiða sér mismun á millifærslu sem aldrei mun eiga sér stað. Þannig hafið varann á gott fólk, það eru margir asnar þarna úti sem reyna að nýta sér trúgirni fólks. Ef hlutirnir hljóma of vel til að það geti verið satt, að þá á sú grunsemd oftast rétt á sér og undantekningarlaust er um svindl að ræða.

Vélhjólaklúbbur Skagafjarðar fær leyfi fyrir fleiri æfingasvæði

Af www.feykir.is
Beiðni Vélhjólaklúbbs Skagafjarðar um endurnýjun á leigusamningi til 25 ára á svæði því sem sveitarfélagið hefur úthlutað klúbbnum undir starfsemi sína var tekið fyrir á fundi byggðarráðs í síðustu viku. Þykir mikilvægt fyrir klúbbinn að fá samninginn samþykktan svo klúbburinn geti haldið áfram að byggja upp starfsemi sína til framtíðar.

Einnig óskaði klúbburinn eftir því að fá leyfi til æfinga á eftirfarandi svæðum sem landeigendur hafa gefið samþykki sitt fyrir. Æfingasvæði fyrir ísakstur á Miklavatni í landi Gils, æfingasvæði motocross í landi Kjartanstaðakots og æfingasvæði fyrir enduro í landi Fagragerðis.

Umhverfis- og samgöngunefnd tók erindið fyrir á 83. fundi sínum og bókaði eftirfarandi ”Umhverfis- og samgöngunefnd mælir með endurskoðun og framlengingu leigusamnings til 25 ára en með gagnkvæmu uppsagnarákvæði eftir 5 ár. Nefndin hefur ekki athugasemdir við leyfisveitingu á umbeðnum svæðum til æfingaaksturs.“

Byggðarráð samþykkti erindið og felur sveitarstjóra að ganga frá samningi til 25 ára með gagnkvæmu uppsagnarákvæði á 5 ára fresti.

Signý valin Íþróttamaður HSÞ 2012

Signý hlaðin verðlaunum

Signý hlaðin verðlaunum

Signý Stefánsdóttir hefur verið valin Íþróttamaður HSÞ fyrir árið 2012 en tilkynnt var um kjörið á ársþingi HSÞ á Grenivík í gær. Er þetta í fyrsta skipti í manna minnum sem íþróttamaður sem stundar aðrar greinar en frjálsar íþróttir eða glímu fær þessa viðurkenningu.

Í umsögn um Signý Stefánsdóttur segir þetta:

Signý hefur á undanförnum árum unnið fjölda Íslandsmeistaratitla í akstursíþróttum, m.a. í ískrossi, motocrossi og þolakstri.
Hún var valin akstursíþróttakona ársins árið 2008 hjá MSÍ, keppti erlendis í heimsmeistaramóti kvenna í motocrossi árið 2009 og endaði í 27. sæti. Var töluvert frá keppni árið 2010 vegna meiðsla, en varð Íslandslandsmeistari í ískrossi árið 2011 og nú á síðasta ári varð hún Íslandsmeistari í öllum greinum sem keppt var í á vegum Mótorhjóla- og snjósleðaíþróttasambands Íslands og var að auki valin akstursíþróttakona ársins 2012.

Lesa meira af Signý valin Íþróttamaður HSÞ 2012

Síða 79 af 940« Fyrsta...2040...7778798081...100120...Síðasta »