Vefmyndavél

Hella Enduro 2014

Nú er komið að alvöru málsins. Verið vakandi og vinsamlegast hjálpið okkur eftir að keppni lýkur.

Keppnis- og brautarstjórar vilja koma eftirfarandi á framfæri.

Það eru 67 keppendur skráðir.

Skoðunarhringur er kl. 09:30 stundvíslega á laugardagsmorgun ef einhverjir vilja.

Til upplýsinga: Lega brautarinnar er þannig að það eru hjáleiðir við þá staði þar sem erfitt gæti verið að komast fyrir óvana en við eigum ekki von á því að það þurfi að nota þær í fyrri umferð.

Í seinni umferð byrjar meira Enduro og þá verða 3 hjáleiðir sem verða vel merktar.

Að keppni lokinni þá viljum við biðja um aðstoð við að taka brautarmerkingar niður. Þetta er létt verk fyrir margar hendur og framtíð okkar á þessu svæði veltur töluvert á umgengni á svæðinu og hvernig við skilum því af okkur. Við viljum gera allt til að eiga möguleika á þessu svæði aftur að ári.

 

AÐ GEFNU TILEFNI ÞÁ ER FÓLK BEÐIÐ AÐ HAFA EFTIRFARANDI TIL FYRIRMYNDAR NÚNA Á HELLU.

Keppnishjól skal vera skráð og tryggt og skal keppandi hafa skráningarskírteini og tryggingapappíra

meðferðis því til staðfestingar. Keppendur skulu einnig hafa ökuréttindi meðferðis.

Keppendum er skylt að kynna sér keppnisreglur MSÍ og hafa staðfest það með rafrænni skráningu.

Sjáumst svo eldspræk kl 08:30 á keppnissvæðinu á laugardag.

 

HELLA ENDURO Heyrst hefur AÐ:

AÐ: Pétur Smára, Snæland ætli þrátt fyrir allt að grilla 100 hamborgara í keppninni á Laugardag.

AÐ: Kóngurinn frá „Karls Grill and Bar“ muni aðstoða við grillun á meðan Snælandinn skottist um brautina.

AÐ: Það verði grillað á meðan keppni stendur, á milli umferða og jefnvel eftir keppn,i ef birgðir endast.

AÐ: Pétur sé grillmeistari af lífi og sál.

AÐ: Við meigum þakka fyrir það.

AÐ: Keppendur og áhorfendur muni ekki grennast þann daginn.

AÐ: Greina-bullarinn ætli sér að vera nálægt grillinu allan tímann.

Ætlar þú að mæta?

Brautarlagning á Hellu gekk mjög vel í dag

Það var flottur hópur sem var mættur um tíuleitið þennan Laugardagsmorgun í krúsirnar rétt fyrir utan Hellu og verkefni dagsins var að klára leggja þennan Endurohring sem félagar klúbbsins voru búnir að gera beinagrind af s.l. Miðvikudag. Niðurstaðan er 6.5 km hringur sem ætti að taka um það bil 12-17 mín að aka.Hringurinn er góð blanda af brekkum,börðum,hliðarhalla,drullumalli,giljabrölti,gljúpum sandi og einnig beinir vegir sem ættu að gera not fyrir alla gíra á flestum nöðrum. Það eru líka 3-4 hjáleiðir við stæðstu hindranirnar og það er ljóst að brautin er góð bland af gleði og drulluspóli fyrir  þá sem ætla að taka þátt í þessari gleði með okkur. Allavegna voru þeir sem prófuðu hringinn í dag mjög ánægðir með lagninguna og það ljóst að hérna sunnanlands höfum við ekki haft  færi á svona Endurokeppni s.l. 7-8 ár. Við hvetjum alla til að taka þátt í þessu með okkur og minnum á að reglum og flokkum hefur verið breytt töluvert fyrir þetta tímabil til að reyna ná til sem flestra enduro og motocross ökumanna.

Reglurnar má sjá hér fyrir neðan,

http://msisport.is/content/files/public/kka/Reglusafn%20MS%C3%8D%20-%20heildaryfirlit%20j%C3%BAn%C3%AD%202014.pdf

Við viljum árétta að allur akstur í krúsunum fyrir utan Hellu er bannaður utan þess tíma sem við verðum með þessa keppni.VÍK hefur haft töluvert fyrir því að fá þetta svæði til afnota aftur eftir nokkra ára hlé.Ástæður þess að svæðið hefur ekki verið notað er slæm umgengni og dónaskapur hjólamanna gagnvart eigendum svæðisins og sannast það sem oft hefur verið sagt að það þarf bara einn vitleysing til að eyðileggja fyrir miklum fjölda iðkennda sem taka tillit til annara.

Skráning er opin til Þriðjudagskvölds kl 21:00 á msisport.is….ekki klikka á þessu..;=)

Hjálp – Aðstoð – Skemmtun – Gaman.

Nú vantar okkur hjálp við að stika út brautarslóðana á Hellusvæðinu. Það á að rigga upp því dæmi á laugardag milli 10:00 – 15:00

Við þurfum fólk á hjólum og líka gangandi, það þarf að hafa með sér hamar og hellst bakpoka.

Þar sem við gerum ráð fyrir því að það verði brjáluð eftirspurn í að hjálpa okkur ( þetta er ekki grín ) þá verður það að fyrstir skrá sig fyrstir verða með. Okkur vantar ca 10 manns þannig að verkið verði klárað fljótt og vel.

ATH það er algjörlega bannað að hjóla á svæðinu en þeir sem koma til að aðstoða okkur fá að sjálfsögðu að skoða slóðana og jafnvel að prufa einsaka staði sem þarf að merkja vel með hjólförum. Mæting á Hellu ( keppnissvæðið þar sem jeppakeppnin hefur verið haldin ) kl 10:00

Þeir sem ætla að hafa gaman með okkur n.k Laugardag hafi samband við Gugga annað hvort á vefpósti guggi@ernir.is eða í síma: 8643066

Það verður slegist um þetta svæðið er þvílík snilld.

HELLA ENDURO SKOÐUNARFERÐ

Fórum, fimm fræknir, til að skoða leiðir á Hellusvæðinu. Það var krúsað svolítið um svæðið til að sjá hvar hellst væri að setja slóða og einnig gerðar tilraunir með brekkurnar. Sumt verður svaka gaman annað verður tæknilegt og svo verður líka ERFITT, en þar verða lagðar hjáleiðir. Greinarhöfundur er reyndar enginn endurokall en mér fannst þetta geðveikt, meira að segja kaflarnir sem ég komst ekki upp. Ætlar þú ekki að skrá þig? Þetta verður eina tækifærið til að hjóla á þessu svæði amk þetta árið. ATH ÞAÐ ER STRANGLEGA BANNAÐ AÐ HJÓLA ÞARNA NEMA Í KEPPNINNI. EF ÞAÐ VERÐUR EKKI ÞÁ ER ENGINN MÖGULEIKI Á AÐ VIÐ FÁUM SVÆÐIÐ AFTUR TIL AFNOTA.

Skráning inná MSÍ HÉR

Verður þetta úrbræðslubrekka? Held ekki öll hjólin rúlluðu þetta upp.

Verður þetta úrbræðslubrekka? Held ekki öll hjólin rúlluðu þetta upp.

Slatti af myndum frá svæðinu eru á FB síðu VÍK HÉR.

Myndir frá MX Akureyri

IMG_7495

 

Myndir eru inná FB síðu VÍK HÉR:

Síða 39 af 939« Fyrsta...20...3738394041...6080...Síðasta »