Vefmyndavél

Brynju enduro – nánari upplýsingar

Hér koma allar helstu upplýsingar fyrir Brynju-enduroið í Kópavoginum á morgun:

Mæting er alls ekki seinna en kl. 11 við gömlu Reiðhöllina við Álalind (Áhaldahús Kópavogs er í sömu götu. Pitturinn er vestan/utan við Reiðhöllina. Fyrir og eftir keppni er DAUÐUR MÓTOR á svæðinu!
Við keyrum bólukerfið og allir fá bólu úthlutað með armbandi fyrir keppni.
Prufuhringur er kl. 11.30 og start verður kl. 12 stundvíslega-ish

Keppendur eru orðnir um 70 talsins! Við höfum raðað keppendum saman í tveggja manna lið (liðin ættu að vera nokkuð jöfn amk. að okkar mati). Annar liðsmaðurinn startar á meðan hinn bíður. Brautin er ca 5 mín. löng þannig að hver keppandi keyrir max tvo hringi í einu (mega keyra einn hring en ekki þrjá) og svo skiptast liðsfélagarnir á bólunni.

Keppni lýkur kl. 14, sigurvegarar eru þeir sem keyra flesta hringi ef einhver er að spá. Glæsilegir vinningar eru í boði fyrir sigurvegara auk fjölda útdráttarverðlauna fyrir aðra keppendur.

Það þarf vonandi ekki að taka það fram að allur akstur er BANNAÐUR á svæðinu eftir keppni og mjög mikilvægt að það sé virt svo við eigum séns á að fá þetta svæði aftur síðar ef vilji verður fyrir hendi.

Spáin er bara fín fyrir morgundaginn og það er enn möguleiki á að skrá sig til keppni með pósti á guggi@flug.is eða á staðnum á morgun.

Hægt er að greiða keppnisgjald með peningum eða posa á morgun eða með millifærslu á reikning 537 26 501101, kt. 480592-2639 með skýringunni „Brynja“.

Þeir sem vilja styrkja framtakið geta líka millifært sinn styrk á þennan reikning eða keypt sér kaffi og meððí eða annan varning í BínuBúllu sem verður á staðnum.

Sjáumst á morgun 🙂

 

Lokahóf MSÍ – Miðasala hafin

Miðasala er hafin á lokahóf MSÍ sem fram fer í Rúbín Öskjuhlíð þann 8. nóvember n.k.

Dagskráin er glæsileg að vanda og ætlum við að gera upp árið með glæsibrag. Kalli Örvars mun sjá um að allt fari rétt fram og hver veit nema að hann bregði sér í gerfi Björns Jörundar, Kára Stefáns og fleiri. Veitt verða verðlaun fyrir síðastliðið keppnistímabil, ný myndbönd frumsýnd, happdrætti og Biggi Kidfoot mun svo trylla liðið á dansgólfinu fram á nótt.

Boðið er upp á þriggja rétta matseðill með Lambakjöt í aðalrétt, en endanlegur matseðill verður birtur hérna fyrir helgi.

Miðaverð er 9.600,- kr. og er miðasala hafin á vef MSÍ / mótaskrá (www.msisport.is)
Sama kerfi er notað fyrir miðasöluna og er notað til þess að skrá sig í keppni, þannig að viðkomandi verður að vera skráður í kerfið.
Þeir sem geta ekki keypt sér miða á netinu geta gert það í Nítró, eða hringt í Magga í síma 899 4313 og greitt með símgreiðslu. Miðarnir verða svo afhentir við innganginn.
Brjálaða Bína tekur við borðapöntunum á bjorkerlings@live.com

Ath. Miðasölu lýkur 6. nóvember og takmarkað magn miða er í boði.

Styrktarkeppni Brynju Hlífar á laugardaginn – í Kópavogi!

Brynja

Brynja á góðum degi og mamman, Halla Heimis þétt við bakið á henni, rétt eins og núna í Noregi

Eins og flestir vita þá slasaðist Brynja Hlíf Hjaltadóttir mjög illa í síðustu viku á motocrossæfingu í Noregi þar sem hún er við nám. Þrír hryggjarliðir brotnuðu auk annarra meiðsla og sem stendur hefur hún litla sem enga tilfinningu neðan við brjóst. Hún og fjölskylda hennar er þó vongóð og ákveðin í því að yfirstíga þessi erfiðu meiðsli. Við vitum að þetta getur orðið langt og strangt ferli og spurning hversu lengi hún þarf að dvelja í Noregi.

Við viljum leggja okkar að mörkum og fá sem flesta til að leggja hönd á plóginn. Því hefur VÍK fengið samþykki hjá Kópavogsbæ fyrir að halda létta endurokeppni innan bæjarmarka Kópavogs, nánar tiltekið á gamla hesthúsasvæðinu ofan við KFC og á móti Smáralindinni. Öll keppnisgjöld munu renna til styrktar Brynju Hlífar og baráttu hennar fyrir fullum bata. Keppnin verður með léttu sniði, lagður verður stuttur  hringur um hesthúsasvæðið og að menn keppi tveir saman, einn vanur og annar óvanur eins og við höfum oft gert áður með góðum árangri. Hringurinn er ca 2-3 km og tiltölulega léttur og skemmtilegur og öllum fær. Aðstaða fyrir áhorfendur gæti ekki verið betri, stutt að fara amk 🙂

Keppni fer fram laugardaginn 25. október og hefst kl. 12 og stendur til uþb 15. Keppnisgjald er 3000 kr. og greiðist á staðnum en frjáls framlög verða ennfremur í boði. Skráning fer fram með tölvupósti á guggi@flug.is

Tökum nú höndum saman og sýnum að við stöndum þétt saman þegar einni úr hópnum hlekkist á – allir að vera með!

Það þarf vonandi ekki að taka það fram að allur akstur er stranglega bannaður á þessu svæði bæði fyrir og eftir þessa keppni.

Bolaalda opin um helgina – endurokeppni um aðra helgi!

BOLAÖLDUBRAUT 13 8 14

Ekki mynd frá því í vikunni en svona gæti brautin litið með smá heppni – sjáumst vonandi á morgun!

Veðrið leikur við okkur hérna á suðvesturhorninu sem aldrei fyrr. Við kíktum í Bolaöldu í vikunni og brautin þar virðist vera nær frostlaus og tjörnin er loks að lækka eftir stórrigningar síðustu vikna. Við ætlum því að prófa að vera með opið á morgun og sunnudag frá kl. 13-17 og sjá hvort við náum ekki upp smá stemningu svona áður en veturinn tekur öll völd.

Annað í fréttum er að Kópavogsbær hefur tekið mjög jákvætt í að halda endurokeppni á gamla  hesthúsasvæðinu ofan við Smáralind. Ef veðurspáin helst góð fyrir næstu helgi þe. 25. október er því allt eins víst að við skellum í létta endurokeppni innan borgarmarkanna. Nú þegar er búið að sigta út stuttan skemmtilegan hring sem ætti að henta öllum. Formið verður líklegast tvímenningskeppni þar sem einum vönum og einum óvönum hjólara er stillt upp saman auk ýmissa annarra útúrdúra. Allt verður þetta til gamans gert en með alvarlegum undirtón þar sem öll keppnisgjöld munu renna til góðs málefnis.

Meira um það þegar nær dregur 🙂

SNIÐUG LAUSN. MXA ER MEÐETTA.

Þessa sniðugu lausn sáum við á alnetinu. MXA vefsíðan sýnir hér einfalda lausn á flóknu máli. Eitt vitum við og það er það að þessi aðferð verður notuð í staðinn fyrir að festa á demparann. Og eitt vitum við líka og það er að OFUR-Haukur Þ. hefði verið sáttur við þessa lausn um árið í Álfsnesi þegar sendirinn festi stýrið.

PONDER1„MXA TRICK OF THE WEEK“

VÍK-VERJAR Í VETRARHAM

Stjórn VÍK mætti á vinnufund í Bolaöldu í gærkvöldi. Verkefni kvöldsins voru að ganga frá vökvunarkerfinu fyrir veturinn. Allir stútar voru teknir af, öllu vatni tappað af kerfinu og ýmislegt annað sem gera þurfti og græja. Því miður er brautin ófær vegna vatnselgs neðst í gryfjunni. Við ætlum að taka stöðuna á brautinni um helgina til að sjá hvort hægt er að að hagræða einhverju í brautinni svo að hún verði nothæf. Ein leiðin til þess er að taka slóða fram hjá pollinum þ.e fara fyrir ofan pollin og þar inn í brautina. Við munum láta vita hér á netinu ef brautin verður nothæf.FullSizeRender (5)STJÓRNIN.

Síða 34 af 940« Fyrsta...20...3233343536...4060...Síðasta »