Vegna villu í hugbúnaði hefur verið lokað fyrir smáauglýsingar á vefnum í bili.

Eins og fram kom á síðustu æfingu, þurfum við að seinka krakkaæfingunum sem fara fram á sunnudögum, og munu þær nú fara fram milli 18 og 20 í stað 17 og 19 eins og verið hefur. Breytingin tekur gildi strax, og er því æfingin á morgun kl 18 fyrir 50/65cc og kl 19 fyrir 85.

Á morgun er einnig fyrsta æfingin af nýju tímabili, en þeir sem greiddu fyrir allt tímabilið í haust, þurfa því að greiða aftur á morgun. Þar sem við vitum ekki hve lengi við fáum Reiðhöllina, getum við ekki rukkað fyrir heilan mánuð í einu. Því bjóðum við 5 skipta kort á 10.000 kr í stað 11.000 kr eins og verið hefur.

Hlökkum til að sjá sem flesta á morgun.

Gulli og Helgi Már

Á sunnudaginn er síðasti sunnudagur mánaðarsins, og það þýðir aðeins eitt, það er krakkakeppni á sunndag. Mæting er fyrir alla tímanlega kl 16:45 og byrjum við á slaginu 17. Fyrirkomulagið verður með sambærilegu sniði og verið hefur, keyrðir verða þrír flokkar, 50, 65 og 85cc. Pétur verður á grillinu og allir fá medalíur.

Hlökkum til að sjá sem flesta á sunnudag kl 16:45 🙂

Gulli og Helgi Már

AÐ: Fyrrverandi Formó hafi verið ískaldur um helgina.

AÐ: Ýmsir aðrið séu líka Ískaldar hetjur.

AÐ: Vatn kennt við Hafra sé málið.

AÐ: Það sé bara svolítið gaman að spóla þar.

AÐ: Það sé gott að æfa hliðarskrið á ísnum.

AÐ: Það geti komið að góðum notum í keppnum í sumar.

AÐ: SUMIR séu EKKI að hjóla á ÍS. En þú?

Gleðilegt nýtt ár með þökkum fyrir það sem er að líða.

Í dag verður síðasta æfing ársins í Reiðhöllinni. Í tilefni þess ætlum við að halda krakkakeppni sem verður með sama sniði og verið hefur. Keppt verður í þremur flokkum, 50, 65 og 85cc. Pétur verður á grillinu eftir keppni og allir fá medalíur.

Mæting er fyrir ALLA kl 16:45 og mun upphitun hefjast kl 17.

Hlökkum til að sjá sem flesta.

Gulli og Helgi Már