Fréttir frá útlöndum
Eyþór Reynisson var í 14.sæti í dag í tímatökunni fyrir Coupe de L’avenir. Guðbjartur Magnússon var í 28. sæti en alls var 31 keppandi sem tók þátt. Aðalkeppnin er á morgun.
Bryndís Einarsdóttir varð 5. í tímatökum í Uddevalla í dag en keppnin er þar einnig á morgun.
Bryndís Einarsdóttir endaði sjötta í fimmtu umferðinni í sænska meistaramótinu í motocrossi í dag. Dagurinn byrjaði vel hjá Bryndísi en í fyrsta motoinu var hún í þriðja sæti lengi vel. Svo datt hún tvisvar og datt niður í níunda sætið, hún náði aðeins að vinna upp eitt sæti eftir það og endaði því í áttunda. Í seinna motoinu sýndi hún jafnari akstur og var sjötta nánast allt mótoið og endaði þar. Við þessi úrslit datt hún niður um eitt sæti í mótaröðinni og er nú sjötta, einu stigi á eftir næstu stúlku.
Síðasta umferðin er um næstu helgi í Uddevalla.
Smellið hér fyrir nokkrar myndir frá deginum
Bryndís Einarsdóttir heldur til Svíþjóðar á morgun en fimmta umferðin í sænska meistaramótinu fer fram í Tomelilla brautinni um helgina. Bryndís er eins og stendur í 5.sæti í keppninni en nokkuð langt er í sætin þar fyrir ofan. Sjötta og síðasta umferð ársins fer svo fram í Uddevalla um næstu helgi.
Við munum fylgjast með Bryndísi hér á motocross.is um helgina.
Ég og Eysteinn vorum með Reyni og Eyþóri í Lommel, og þar er Eyþór oft búinn að sýna flotta takta. Við Eysteinn fengum að spreyta okkur í b-móti, sem var ótrúlega skemmtilegt. Hér er smá demo af ferðinni, smelli mótinu inn seinna, er að klippa það til.
Bryndís Einarsdóttir varð í 5.sæti í fjórðu umferðinni í Sænska meistaramótinu í motocrossi í dag. Keyrt var við nokkuð erfiðar aðstæður eftir miklar rigningu um nóttina. Við þessi úrslit er Bryndís komin einnig komin í 5.sætið í stigakeppninni. Tvær umferðir eru eftir og verða þær báðar keyrðar í október.
Sá hræðilegi atburður átti sér stað í MX2 flokknum að 15 ára keppandi lést eftir að hafa dottið af hjólinu. Keppninni var aflýst og aðeins eina motoið í kvennaflokknum sem var klárað.
International Six days enduro keppnin er líklega elsta mótorsportkeppni í heiminum þar sem enn er keppt árlega. Keppnin var fyrst haldin árið 1913 í Englandi og verður haldin í Finnlandi í 86.skipti í ár og þykir mikill heiður að sigra keppnina. Íslendingar eru að senda lið til keppninnar í fyrsta skipti og er þetta fyrsta landslið sem MSÍ hefur sent til keppni í Enduro.
Haukur Þorsteinsson hefur verið aðaldrifkrafturinn á bakvið för liðsins í ár og vefstjóri náði af honum spjalli í gær þegar liðið kom saman kvöldið fyrir brottför. „Ég hef alltaf haft áhuga á að hjóla bæði enduro og annað svo hefur maður heyrt í mönnum tala mikið um þetta Six days í gegnum árin en ég hef aldrei hugsað útí neinar alþjóðlegar keppnir eða landslið og vissi í raun ekki af þessari keppni eða um hvað hún snérist. Á endanum fór ég á netið og leitaði uppi keppnina og las mig til. Ég minntist svo á þetta við Kalla Gunnlaugs formann MSÍ og þar frétti ég að menn hafi oft spáð í að senda lið og en alltaf eitthvað staðið í veginum. Ég spurði hann hvort ég ætti ekki bara að setja saman hóp því kannski erum við ágætir í enduro. Það var lítið mál og ég tók upp símann og hringdi í menn sem ég taldi koma til greina, allir tóku vel í þetta en kostnaðurinn var auðvitað talsverður sem setti strik í reikninginn. Það var úr að við erum að fara 6 ökumenn og 6 aðstoðarmenn og allir bara skelfilega spenntir.“
Hvað eruð þið eiginlega að fara útí?
