34. Andaðu.

Mundu að anda þegar þú hjólar. Ef þú einbeitir þér og hugsar virkilega um að anda inn um nefið og út um munninn þá kemst það fljótt upp í vana. Margir halda í sér andanum í gegnum vúppsa og erfiða kafla og það er aldrei gott. Mundu því að anda! – Josh Grant.

33. Lærðu á æfingum.

Ekki reyna nýja hluti og nýja keyrslutækni í keppnum. Þá er allt of mikið í gangi þannig að allt nýtt getur auðveldlega truflað þig. Notaðu tímann á æfingum til að prófa eitthvað sem þú hefur ekki gert áður. – Nick Wey.

32. Loftþrýstingur.

Gerðu það að vana að tékka á loftinu í dekkjunum hjá þér í hvert skipti sem þú ferð að hjóla. Þetta hljómar kannski kjánalega en ef það er rangur þrýstingur í dekkjunum hefurðu verri stjórn á hjólinu og þá hjálpa öll þessi ráð þér ekki neitt! – Jason Lawrence.

31. Bremsaðu beint. Notaðu kraftinn í frambremsunni til að bremsa með hjólið í uppréttri stöðu. Margir treysta allt of mikið á afturbremsuna þegar það er í raun frambremsan sem hægir mest á þér og gefur besta stjórn á hjólinu. – Ben Townley.

Dirt Bike valdi Reklusse EXP sem bestu uppfinningu ársins 2009. Telja þetta henta mjög vel í motocross hjólin.

Ætli einhver hafi prufað þessa græju hér á klakanum? Reyndar kostar þetta heil ósköp, rúmlega 800$ sem er ekkert gaman að yfirfæra í ísl gæðakrónur.

30. Pumpaðu þig upp. Reyndu að keyra stíft í tímatökum til að hita þig upp og jafnvel fá smá armpump í gang. Þá verða hendurnar orðnar heitar og slakar þegar kemur að fyrsta motoi og vonandi færðu ekki meira pump í hendurnar. – Tim Ferry.