Greinasafn fyrir flokkinn: Dakar

Dakar, Endúró, Fréttir

Dakar 2012 Dagur 12

Færðu inn athugasemd
Coma

Nú styttist í lokin og harka hlaupin í keppendur og það sýndi Marc Coma(KTM) sem var þriðji af stað í dag og átti frábært start og kom fyrstur í mark.

Hann náði sínum 5 sérleiðasigri og þeim 21. yfir heildina og náði að koma 3mín og 57sek á undan sínum helsta keppinaut Cyril Despres(KTM) og dugði það honum að ná forustu yfir heildina með 1mín og 35sek. En stóra spurningin er sú hvort það dugi honum, þeir félagar hafa verið að skiptast á að vinna og það með um 2mín mun, má því reikna með að það verði allt gefið í á þessum síðust metrum keppninar.

Vilja menn meina að þetta hafi verið herbragð hjá honum að koma ekki fyrstur í mark í gær, hann hefði hægt viljandi á sér til þess að vera ekki fyrstur af stað í dag því þá gæti hann einbeitt sér meira að hraðanum í staðinn fyrir að einblína í leiðarbókina, hann gæti notað förin eftir hin hjólin og unnið upp tíma þannig, sérstaklega þar sem sérleið dagsins var ekki nema 197km.
Lesa áfram Dakar 2012 Dagur 12 →

Dakar, Endúró

Dakar 2012 Dagur 11

Færðu inn athugasemd
Despres

Við komuna til Peru á degi 11 náði Cyril Despres(KTM) sínum 4 sérleiða sigri þetta árið og þeim 30 yfir heildina og jók forskot sitt á Marc Coma(KTM) í 2min og 22sek

Despres skráði sig í sögubækur Dakar rallsins með þessu sigri í dag sem fyrsti sigurvegari í hjólaflokki í Peru en Perú er 27 landið sem býður Dakar rallið velkomið.

Honum mun örugglega ekki veita af þessu forskoti því baráttan um 1 sæti hefur sjaldan eða aldrei verið svona hörð þegar svona stutt er eftir af rallinu.

Við komuna í mark sagði Despres „þetta var en einn erfiði dagurinn(705km í heildina), að frátöldu smá óhappi á lítilli ferð er ég mjög ánægður hvernig dagurinn fór. En og aftur áttum við Coma í harðri barráttu og skiptumst nokkrum sinnum á að hafa forustu áður en mér tókst að ná forustunni á seinni sérleiðinni. Ef þetta heldur svona áfram, að við séum að taka til skiptis 2 mín af hvor öðrum á hverjum degi verður þetta mjög spennandi í lokinm bæði fyrir okkur, þá sem eru að fylgjast með okkur og keppnina sem slíka“.

Lesa áfram Dakar 2012 Dagur 11 →

Dakar, Endúró

Dakar 2012 Dagur 10

2 athugasemdir
Joan

Það varð til nýr sigurvegari í dag, Joan Barreda Bort(Husqvarna) vann sinn fyrsta sérleiðarsigur í Dakar í dag þrátt fyrir að hafa orðið fyrir meiðslum í byrjun dags en hann þraukaði og skaut reynsluboltunum þar með ref fyrir rass, kom einni og hálfri mín á undan Coma og næstum fjórum mín á undan Despres

Hann sagði eftir leið dagsins „eftir afturdekkjavandamálið mitt á 3ja degi hef ég reynt að vinna mig upp á hverjum degi. Mér hefur gengið betur eftir því sem liðið hefur á rallið og í gær þá sá ég smá glætu með að ég ætti séns á að ná toppmönnunum svo ég greip það. En í dag átti ég í smá vandræðum með annan fótinn, í hraðri beygju, líklega verið á um 120km hraða setti ég fótinn út og rak hann í stein, ég hélt að fóturinn hefði rifnað af en svo var nú ekki. Á næstu bensínáfyllingarstöð tók ég nokkrar verkjatöflur og harkaði að mér og það dugði mér næstum í mark, rétt undir lokin voru verkirnir orðni miklir en ég komst í mark. Ég er ekki búin að láta kíkja á fótinn, hann hlýtur að jafna sig, hann verður að duga mér í nokkra daga í viðbót“.

Lesa áfram Dakar 2012 Dagur 10 →

Dakar, Endúró

Dakar 2012 Dagur 9

Færðu inn athugasemd
Hinn 43 ára norski Pal Anders Ullevalsetter (KTM)

Dagleiðin í dag var löng, heilir 606km. Það var gaman að sjá hvað mikið rót er á því hvernig úrslit á hverri sérleið er en það er ansi breytilegt þó staðan á toppnum rótist minna til.

Það voru líka 11 keppendur sem fengu 15mín refsingu í dag vegna þess að þeir höfðu skipt um mótor í hjólinum sínum, voru þetta bæði toppmenn og þeir sem eru lægra á stiganum, voru þetta keppendur á KTM, Husqvarna og Yamaha.

En þetta breytti sossum ekki neinum sköpum á toppnum, Cyril Despres(KTM) sýndi það í dag að hann er keppnismaður frammí fingurgóma og kom fyrstur í mark í dag enda átti hann harma að hefna vegna gærdagsins þegar hann festist í drullupytt þegar hann var einungis komin 11km inná leiðina, má sjá myndband hér þar sem hann endastings í drullunni. Örugglega ekki verið gott að eiga 467km eftir af deginum eftir svona byltu en svo kom refsingin til viðbótar við tímann en hann hélt samt 2 sæti í dag og er þar með komin aftur með forustu yfir heildina.

Marc Coma(KTM) kom svo annar í mark en telst vera sjöundi í mark þegar refsitíminn er komin á.

Lesa áfram Dakar 2012 Dagur 9 →

Dakar, Endúró

Dakar 2012 Dagur 8

Færðu inn athugasemd
Cyril

Það má segja að keppnin hafi opnast vel á þessum fyrsta degi eftir hvíldardag því Cyril Despres(KTM) gerði afdrifarík mistök í upphafi dagsins.

Þessi 477km langa sérleið hófst nánast með því að Marc Coma(KTM) sem fór fyrstur inná leiðina las leiðarbókina aðeins skakkt og tapaði strax mínutu en það breyttist á 11 km, þar gerði Despres slæm mistök og hjólaði beint ofaní drullupytt og reyndar Paulo Rodrigues(Yamaha) líka, drullupytt semComa hafði sloppið við en þeir félagar sátu fastir í pyttinum í um 10 mínutur og fór mikil orka í að ná sér þarna uppúr sem var ekki gott vegarnesti í svona langa dagleið.

Skyndilega var forustan galopin fyrir Coma og þegar hann frétti af vandræðum Despres ætlaði svo sannarlega að nýta sér það í botn og gaf allt í botn en þegar á leið varð hann að hægja á ferðinni til að hlífa hjólinu aðeins. Í lok dags hafði han landað sínum 20 sérleiða sigri í Dakar og það sem var kannski skemmtilegast var að hann hafði unnið 17mín og 20sek á Despres sem setti hann í 1 sæti yfir heildina, þó ekki nema 1mín og 26 sek.

Lesa áfram Dakar 2012 Dagur 8 →

Dakar, Endúró

Dakar 2012 Dagur 7

Færðu inn athugasemd
Coma

Gærdagurinn var hálfgerður hvíldardagur þar sem sérleiðinni yfir Andersfjöllin var felld niður vegna slæmra skilyrða útaf snjó og mikillar rigninga svo dagur 6 var bara ferjuleiðar dagur, hugsanlega hefur það hjálpað einhverjum til að geta komið tækjum sínum í gott lag því sérleið dagsins í dag var 419km löng.

Marc Coma(KTM) sýndi klærnar í dag og sigraði sérleið dagsins rúmum 2 mínutum á undan helsta keppinaut sínum Cyril Despres(KTM).

Marc hefði þetta að segja eftir að hann kom ímark „það er almennt vitað að sérleiðin fyrir hvíldardaginn er alltaf erfið og dagurinn í dag var þar engin undantekning, mikill hiti og laus sandur. En þrátt fyrir það var hraðinn mikill og mér tókst að minnka bilið milli mín og Cyril um rúmar 2 mínutur þó þá sé alls ekki nóg.

Lesa áfram Dakar 2012 Dagur 7 →