Frá Landsmótinu á Sauðárkróki í fyrra

Vegna kæru frá landeigendum í Borgarfirði verður motocrossið á Unglingalandsmóti UMFÍ fært frá nýrri braut í Borgarnesi til Akraness.

Þrátt fyrir stuttan fyrirvara hafa menn og konur á Akranesi brett upp ermar og gert Akrabrautina klára fyrir keppnina á mettíma. Rúmlega 30 ungmenni eru skráð til leiks og án nokkurs vafa verður mikið stuð á Skaganum á sunnudaginn.

Keppnin hefst á sunnudaginn klukkan 12 og hvetjum við alla til að koma við í Akrabraut og sjá okkar björtustu vonir keppa á landsmótinu.

Hér fyrir neðan má sjá dagskrána í heild:

Lesa meira »

Guðlaugur H. Sigurjónsson og Ásgrímur Pálsson við undirritun samningsins

Bæjarráð Reykjanesbæjar samþykkti þann 22.júlí s.l. samning við Vélhjólaíþróttafélag Reykjaness um leyfi til tímabundinna afnota á Sólbrekkusvæðinu auk stækkunar. Samningurinn gildir til 31.maí 2017 með möguleika á framlengingu.

Samningurinn er sannkallaður tímamótasamningur fyrir VÍR því í mörg ár hefur brautin verið á skammtímaleyfum. Uppbygging á aðstöðunni við brautina mun eflaust taka kipp eins og menn hafa séð byrja í sumar enda hefur VÍR marga öfluga liðsmenn innanborðs.

Stóra brautin í Bolaöldu verður opnuð kl 20:00 á morgun Miðvikudag.

Þeir vösku sem mættu til að aðstoða við brautina í kvöld hafa forgang til að hjóla í henni frá kl 17:00 fram að opnun.

Brautin var öll lagfærð, allir pallar slípaðir til, sumir lengdir, aðrir lækkaðir og einn var færður aðeins til. Nokkrar beyjur fengu yfirhalningu og brekkurnar tóku líka smá breytingum. Í heildina vonumst við til að brautin verði enn betri en áður.

Brautarstjórn

PS:

Brautin lýtur hrikalega vel út, prufuökumaðurinn okkar sagði brautina vera gjörsamlega “geðveika”

ATH!!! Garðar gæti jafnvel gefið undanþágur í brautina fyrr, ef velviljaður grjóttínslumaður lætur sjá sig tímalega.

Jæja nú er brautin í góðu standi, fullkomið rakastig,  hittum 2 sem voru brosandi út að eyrum að hjóla 

Muna svo bara eftir miðum á N1 í Mosó.

Verðlaunapallurinn frá Sólbrekku - Verður þetta MXoN liðið í ár?

Liðið fyrir Motocross of Nations verður valið eftir aðeins eina umferð í Íslandsmótinu í motocrossi. Fátt virðist geta komið í veg fyrir að Aron Ómarsson fái tvo nýja liðsfélaga með sér þetta árið, þá Hjálmar Jónsson og Eyþór Reynisson. Eyþór Reynisson er með góða forystu í MX2 flokki og Hjálmar Jónsson er með ágætt forskot í öðru sætinu í MX-Open.

Samkvæmt upplýsingum frá MSÍ verður Stefán Gunnarsson landsliðseinvaldur líkt og í fyrra.

Keppnin verður haldin eftir tvo mánuði eða 25. og 26. september í Thunder Valley motocross Park í Denver í Colorado fylki í Bandaríkjunum. Þeetta er í 64.skiptið sem keppnin er haldin en Ísland hefur tekið þátt frá árinu 2007.

Keppnin verður í Frakklandi árið 2011 og Belgíu 2012

Æfingar fyrir krakkana verða að sjálfsögðu á sínum stað klukkan 18:00 í kvöld. Æfingin fer fram í Bolöldu og verða báðir hóparnir keyrðir saman í litlu 85 brautinni. Gunnlaugur & Helgi Már verða fjarverandi í kvöld en verða mættir aftur á Miðvikudagskvöldið. Arnar Ingi Guðbjartsson mun hoppa inn og þjálfa fyrir þá í kvöld. Arnar Ingi er frábær þjálfari sem hefur leyst af í þjálfun fyrir Vélhjólaíþróttaskóla VÍK ásamt því að hafa tekið að sér einkakennslur hjá félaginu.

Næstkomandi Þriðjudag. 27.07.2010. verður Stóra brautin LOKUÐ vegna viðhalds.

Vinnukvöld verður í brautinni eftir að ýtan og grafan verða búin með sitt hlutverk. Vinnan hefst .kl 19:00 - 21:00 Það þarf að taka til hendinni með ýmis verk. M.a að hreinsa alla stóra steina sem koma upp, laga til meðfram brautinni og ýmislegt sem fellur til. Nú er tækifærið til að koma og sýna félgasandann. Boðið verður uppá veitingar fyrir þá sem koma og hjálpa til.