Crossfit Moto æfingarnar byrja á morgun í CrossfitReykjavík, Skeifunni 8 kl. 20. Enn eru nokkur laus pláss en nú þegar hafa 27 manns skráð sig í æfingarnar. Það eru því síðustu forvöð að bæta sér á listann en æfingarnar eru fyrir alla óháð getu, hver og einn ræður sínu álagi. Áhugasamir senda póst á vik@motocross.is með upplýsingum um sig.
 | ||
Lokahóf MSÍ verður haldið í Rúbín, Öskjuhlíð, laugardaginn 13. nóvember. Dúndrandi skemmtun frá upphafi til enda, nánari dagskrá auglýst síðar. Munið að bóka daginn!
Fyrsta verkefni nefndarinnar verður að undirbúa stærstu jarðarför fyrr og síðar á Íslandi þar sem jarða á ferðafrelsi á Íslandi með táknrænum hætti með tilvísun í væntanlega lokun á Vonarskarði. Stefnt er að því að þúsundir áhugafólks um ferðafrelsi hittist á ákveðnum stað í Vonarskarði 2. október (nánari staðsetning kemur síðar) og fulltrúar fjölda útivistarfélaga reisi þar saman einn stærsta kross á Íslandi með áletrun um hin geræðislegu vinnubrögð stjórnvalda sem hafa verið viðhöfð í undirbúningsvinnu að Vatnajökulsþjóðgarði og stækkun friðlands í Þjórsárverum.
Hjálmar Jónsson endaði í 22.sæti í B-úrslitum á Motocross of Nations í dag. Gylfi Freyr Guðmundsson hætti keppni eftir aðeins einn hring eftir að hafa verið keyrður niður í fyrstu beygju og vatnskassinn fór að leka. Ekki var möguleiki á góðum úrslitum eftir að Gylfi datt út því Eyþór gat ekki keppt sökum meiðsla í B-úrslitunum.  Gylfi í startinu -Smellið á myndina fyrir veggfóður Eyþór Reynisson lenti í óhappi á æfingu í Motocross of Nations í gærkvöldi. Hann krassaði hressilega og fékk höfuðhögg og blóðnasir. Reglurnar eru þær ef líkur séu á heilahristing eru engir sénsar teknir. Eyþór hafði verið með 28. tímann á MX2 æfingunni en náði ekki að taka þátt í undanriðlinum. Gylfi endaði í 24.sæti af 30 ökumönnum í undanriðlinum fyrir MX1. Hjálmar var í 23. sæti af 30 keppendum í MX Open. Drengirnir tveir keppa í B-úrslitum í dag. | ||
| ||
Motocross of Nations fer fram í Saint Jean D’Angely, Frakklandi árið 2011. Saint Jean D’Angely brautinn hefur verið notuð í heimsmeistarakeppnini og er ein sú flottasta í Evrópu. Það verður mjög auðvelt fyrir Íslendinga að fara á þessa keppni og styðja þá stráka sem munu fara fyrir MSÍ / Ísland á næsta ári.
