Keppendur á Klaustri 2010

Hér kemur keppendalistinn fyrir Trans Atlantic Off-road Challenge keppnina sem haldin verður á Klaustri 23. maí nk. Heildarfjöldi keppenda er um 450 manns í 233 liðum. Stefnt var á að keppendur yrðu um 400 en atgangur var í skráningunni var slíkur að þegar náðist að loka skráningunni var fjöldinn orðinn þessi. Þetta gerir að ekki er hægt að taka inn þá sem skráðu sig á biðlistann, því miður. Brautarstæðið er nýtt og við rennum blint í sjóinn með alla aðstöðu og pláss á svæðinu og viljum því ekki taka fleiri inn í keppnina. Hins vegar, ef einhverjir sem nú þegar eru skráðir í eins eða tveggja manna lið vilja kippa einhverjum inn í liðið með sér af biðlistanum þá er það hægt með því að senda tölvupóst á vik@motocross.is sem og leiðréttingar á nöfnum eða aðrar óskir um breytingar.

Allir keppendur verða að vera skráðir í klúbb og hafa greitt félagsgjald eða Félagsmenn í VÍK fá senda greiðsluseðla fyrir félagsgjöldum á næstu dögum en mun hagkvæmara er að greiða á netinu (4000 kr. í stað 5.000 kr. með greiðsluseðli). Önnur félög verða beðin um að staðfesta að þeirra félagsmenn á keppendalistanum hafi greitt félagsgjöld fyrir árið 2010 ekki síðar en 15. maí. Ógreiddir keppendur munu þá eiga á hættu að falla út af listanum fyrir þá sem eru á biðlista.

Kjartan og félagar á Klaustri hafa verið á fullu að hanna brautina og eru fyrstu drög því sem næst klár. Endanleg lengd og staðsetning verður kláruð tímanlega, líklegast síðustu helgina í apríl og eftir það getum við vonandi birt GPS feril af brautinni. Þetta verður fjör!

Kveðja, stjórn VÍK