Álfsnes verður lokuð á morgun vegna viðhalds þar sem meðal annars pallar verða lagaðir o.fl.  Það verður jarðýta sem vinnur verkið undir leiðsögn Reynis.  Á sunnudag verður svo vinnudagur í Álfsnesi frá kl.10 – 13 og fá þeir sem mæta til vinnu, á réttum tíma, smá forskot á sæluna og keyra einir í brautinni frá kl 13 – 15.  Brautin verðu svo opnuð almenningi frá kl 15 á sunnudaginn.  Er þetta í raun fyrsta lagfæringin á brautinni síðan fyrir síðasta mót í Íslandsmeistaramótinu sem haldið var í júlí í fyrra.  Þannig að hún ætti að verða eins og best verður á kosið á sunnudaginn.  Minnum á miða í brautina sem fást á N1 í Mosfellsbæ.

Árskort í motocross brautir VÍK í Bolaöldu og Álfsnesi eru komin í sölu hér og nú. Verðið á kortunum hefur lækkað talsvert frá því í fyrra en verðið á stökum miðum hefur hækkað. Kort fyrir stórt hjól kostar nú 20.000 en fyrir lítið hjól 10.000 (Stórt hjól er 125cc tvígengis og 250c fjórgengis og stærra). Árskortin eru gefin út á einstaklinga en ekki hjól og ekki er hægt að lána kortið á milli manna.

Árskortið gildir í báðar motocross brautir félagsins í Álfsnesi og Bolaöldu. Í sumar verða dagsmiðar í brautirnar seldir á 1.500 kr. fyrir félagsmenn og 2.000 kr. fyrir aðra. Lesa meira »

Hljómsveitin Hjaltalín óskar eftir aðstoð við gerð tónlistarmyndbands um helgina. Hugmyndin er að fá 6-8 manns á götuskráðum hjólum til að leika í myndbandinu. Æskilegast er að menn séu á Supermotodekkjum en ekki nauðsynlegt en hjólin verða þó að vera götuskráð. Upptökur fara fram á seint á sunnudagskvöldið. Þeir sem hafa hug á að taka leika (sér) í ódauðlegu myndbandi með Hjaltalín geta hringt í Rebekku í síma 867 0505 sem fyrst.