Hátt í 40 hjól sáust á Hafravatni í dag í blíðskaparveðri og góðri stemmningu. Menn tóku hressilega á gjöfinni og enduðu með nokkrum flugeldum til að kveðja hjólaárið 2009.

Katoom yfirvegaður í forystu en svo berjast hinir fyrir aftan

Myndir frá deginum eru komnar inná vefalbúmið HÉR

Búast má við fjölmenni í ísakstri á Hafravatni á morgun, gamlársdag. Venjulega mæta menn um hádegið og eru að fram eftir degi.

Nú styttist óðum í Dakarinn og í dag mættu menn með tækin til skoðunar.  Þetta er ekki eins og við þekkjum hér – skoðað frá kl. 8:30 til 11:00..!  Nei við erum að tala um frá morgni til kvölds í þrjá daga, enda töluvert meira að skoða en t.d. fyrir venjulega MX-keppni.  Hjól og bílar eru spekkuð með allra handa siglingagræjum og svo þarf í ár að skoða sérstaklega hjól sem eru stærri en 450cc með tilliti til kraftminnkunar!  Svo er það ýmiss annar búnaður eins og læknisvottorð, neyðarbúnaður, vatnstankur og fl. og fl.
Keppnin hefst 2. janúar og eftir því sem best er vitað mun Eurosport sýna daglega frá keppninni.

29. Hallaðu þér aftur.

Ef þú ert að keyra í sandi, færðu þá þyngdina aftar á hjólið miðað við þá stöðu sem þú notar í venjulegri braut. Ef þú hallar þér of mikið fram eru meiri líkur á að þú keyrir framdekkið inn í næsta sandbatta og endir á hausnum. Notaðu líkamann mun meira og ýktu allar hreyfingar til að stýra hjólinu betur í sandi. – Ben Townley.

28. Haltu þínum línum.

Ef þú lendir í pressu í keppni haltu þig þá við línur sem þú þekkir. Margir reyna ósjálfrátt að verja innri línurnar – en ef þér finnst þú ekki vera jafn hraður þar miðað við þær línur sem þú ert vanur þá eru litlar líkur að það hjálpi þér mikið. – Grant Langston.

27. Upp með fætur.

Ekki draga fæturna í beygjum, sérstaklega ekki ef það eru ruttar/djúp för í beygjunum. Í djúpum förum verðurðu að hafa fótinn upp og út til halda betra jafnvægi og til að styðja við þig ef þú rennur til. Aldrei draga fótinn á eftir þér í gegnum beygjuna – það getur sett þig úr jafnvægi ef þú rekur fótinn í. – Josh Grant.

Æfing verður á morgun í Reiðhöllinni eins og vanalega á sunnudögum. Æfingin hefst kl. 16 fyrir yngsta fólkið, 85ur kl. 17 og kl. 18 er aftur komið að stóru hjólunum. Mætingin var frábær síðast og mikið fjör. Engin forskráning verður í þetta skiptið – bara að mæta og skrá sig hjá Helga og Gulla en aðeins 15 hjólarar komast að, því miður.  Ekki missa af þessu, mættu tímanlega og settu þig á listann, æfingin kostar 2000 kall á mann. Kveðja.