VÍK sótti nýverið um styrk til Vinnumálastofnunar til að fá að ráða tvo sumarstarfsmenn í svokallað átaksverkefni og er gaman að segja frá því að leyfi til þess fékkst nú á dögunum. Við munum því stefna að því að vera með starfsmenn bæði í Álfsnesi og í Bolaöldu til að aðstoða Garðar í sumar.

Félagið auglýsir því eftir umsóknum í tvö launuð störf fram til loka ágúst.  Átaksverkefni er lögum samkvæmt einungis ætlað þeim sem eiga bótarétt.

Viðkomandi þurfa að sjá um uppgræðslu, öryggismál og fl. á svæðunum. Farið er fram á þekkingu á meðferð vinnuvéla, áhuga á motocrossi / torfæruhjólum, þjónustugleði og eiginleiki til að vinna með öðrum. Ráðningartímabil júní – júlí – ágúst. Áhugasamir geta sent umsókn og upplýsingar um sig, fyrri störf og af hverju þeir eigi að vera valdir í starfið á vik@motocross.is

Með þessu vonum við að geta gert svæðin okkar enn betri í sumar og veitt amk. tveimur góðum hjólamönnum/konum skemmtilegt sumarstarf.

Sýnt verður frá motocrosskeppninni á Akureyri í íþróttafréttum ríkissjónvarpsins í kvöld um kl. 19:20. Glæsileg myndbrot frá skemmtilegri keppni.