Það var vor í lofti á Ítalíu í gær þegar fyrsta umferðin af heimsmeistarakeppninni fór fram. Það rigndi sem sagt eins og enginn væri morgundagurinn. Seinni umferðinni var aflýst en hér er videoklippa frá fyrri umferðinni í mx1.

Fyrir fáeinum árum, var það fremur fátítt að torfæruhjólum væri stolið, en nú er tíðin önnur. Nú hefur þjófnuðum fjölgað það mikið, að nauðsynlegt er að læsa hjólinu í skúrnum, en það sem er verra er að sum hjólin hafa ekki enn fundist og eru um 30 hjól eftirlýst hjá Lögreglunni, það er 30 hjólum of mikið!
Það á ekki að vera hægt að fela hjól í þessu landi!
Við þurfum öll að hafa augun hjá okkur , enda er það allra hagur að ekki sé hægt að nota stolið hjól. Það að kaupa stolið hjól, er það sama og að brenna féð, því eignarrétturinn er alltaf eigandans.
VÍK hefur sett saman lista eins og í fyrra þar, sem stellnúmer og mótorstærð hjólanna koma fram en, því miður er listinn hjá Lögreglunni ekki svo ýtarlegur. Stellnúmer hjólanna er á stammanum, bakvið framljósið / kross-spjaldið, gjarnan er búið að slípa stellnúmer stolinna hjóla niður, en það er ekki hægt fela.
Verum vakandi og finnum hjólin!

Listi yfir stolin hjól

Hliðin falla kl. 10:00 á sunnudaginn

Heimsmeistaramótið í Motocross hefst á sunnudaginn.  Fyrstu tvær umferðirnar verða í Faenza á Ítalíu og mæta 30 lið til leiks.  MX1, heimsmeistararnir Steve Ramon og David Philippaert munu reyna að ná fyrri hæðum, en það verður ekki auðvelt þar eð fjöldi toppökumanna hafa sömu markmið og þeir.  Meðal annarra mun MX2 heimsmeistarinn, Antonio Cairoli, reyna fyrir sér í fyrsta sinn í MX1.  Eins og endranær verður ekkert gefið eftir fyrr en þeim köflótta er veifað.
Hver umferðin rekur aðra fram á haustið og endar veislan með  ‘MX of Nations’  þann 3. og 4. október – að þessu sinni á Ítalíu.
Þeir sem hafa aðgang að ‘Motors TV’ geta fylgst með mótinu í beinni n.k. sunnudag.  Útsending hefst kl. 10:00.

David Knight endaði í 6. sæti í E3 flokknum, eftir fyrstu helgina

WEC Enduro 2009 hófst um s.l. helgi.  Allir helstu kapparnir mættu til leiks fyrstu keppnishelgina sem fram fór í Portúgal.
Önnur umferð fer svo fram núna um helgina á Spáni.  BMW mætir  þar með David Knight fremstan í flokki.  Ekki tókst nógu vel til hjá þeim um s.l. helgi og má búast við að þeir reyni allt sem þeir geta til að gera betur að þessu sinni.

Jæja þá erum við byrjaðir að reyna standsetja brautina,  ýmislegt þarf að gera því við komum ekkert sérstaklega vel undan vetri.  Vonumst til með að geta komið með einhverjar skemmtilegar breytingar, erum reyndar ekkert í neinni tímaþröng þar sem ég er handleggsbrotinn:(  hahaha.  Og fólk má alveg fara að safna fyrir félagssgjöldum því það er ekki ókeypis að koma þessu í stand.

Að sjálfsögðu er Eysteinn mættur með ýtuna sína,  og vinnur eins og maniac og Þórir stendur á kantinum þegar þarf að fylla á tankinn hjá Eysteini.   Friðgeir Óli er búinn að vera duglegur að tína allar stangir úr brautinni svo strákarnir keyri ekki yfir þær á ýtunni, en svo má líka aðeins leika sér:)

Og það er alltaf sama sagan með hann Eystein, það er alltaf “all nighter”

Og að sjálfsögðu auglýsum við hér á vefnum og annarsstaðar þegar við getum opnað:)

Kveðja,  Guðni F

Aðalfundur VÍK var haldinn í gærkvöldi, 25. mars. Framkvæmd voru helstu aðalfundarstörf s.s. farið yfir reikninga og skýrslu stjórnar og kosið í nefndir og stjórn. Tveir nýir menn bættust í stjórn, þeir Hrafn Guðbergsson og Ólafur Þór Gíslason en Kristján A. Grétarsson vék úr stjórn. Hrafnkell Sigtryggsson var endurkjörinn formaður eins og aðrir stjórnarmenn. Skýrsla stjórnar, reikningar félagsins, fundargerð aðalfundar og helstu atriði fundarins má lesa hér. Ágæt mæting var á fundinn og sköpuðust góðar umræður í lok fundarins.

Lesa meira »

Motocross.is opnar nú í nýju og fersku útliti. Vefurinn hefur verið í uppherslu undanfarnar vikur og hér sjáið þið árangurinn. Meðal annars er búið að íslenska vefinn að fullu, bæta athugasemdakerfið og bæta við tenglasafni. Einhverjar breytingar og stillingar eru svo á leiðinni, stórar og smáar.

Þeir sem hafa haft aðgang að síðunni halda honum áfram og eru allir hvattir til að nýskrá sig hér ef þeir hafa ekki skráð sig enn. Þeir sem vilja fá mynd af sér við athugasemdir og innlegg í spjallið geta skráð inn myndina sína hér. Muna að nota sama email og þið skráðuð ykkur með inná motocross.is.

Endilega lýsið áliti ykkar á nýja lúkkinu og komið með hugmyndir ef einhverjar eru.

Við erum einnig að leita að fréttariturum og greinaskrifurum og geta áhugasamir haft samband við vefstjori@motocross.is

f.h. vefnefndar
Hákon