Nú eru tæpar tvær vikur í fyrstu umferðina í N1 Íslandsmótinu í Ískrossi sem fram fer á Mývatni þann 17. janúar næstkomandi Búið er að opna fyrir skráningu á www.msisport.is og lýkur skráningu á miðnætti á þriðjudagskvöldið 13/1. Keppnisgjöld eru kr. 5000 í hvern flokk, en keppt verður í þremur flokkum, Opinn flokkur þar sem skrúfur og ísnálar eru leyfilegar, Vetrardekkjaflokkur þar sem eingöngu fjöldaframleidd nagladekk eru leyfð og svoKvennaflokkur á fjöldaframleiddum nagladekkjum. Athugið að á árinu 2009 mun MSÍ ekki gera neinar undantekningar varðandi skráninguna, henni lýkur þegar henni lýkur og ekkert væl eftir það.
 | ||
Nýjar smáauglýsingar |  Meistarinn Reed á Suzuki leiðir James Stewart Það voru heldur betur óvænt úrslitin í fyrstu umferðinni í AMA Supercrossinu í Ameríku í gær. Í báðum flokkum voru það minni spámenn sem nældu sér í sigur. Flestir höfðu búist við að James Stewart eða Chad Reed myndu ná að sigra 450cc flokkinn og lengi leit út fyrir það. Þeir áttu frábæra keppni og skiptust 5 sinnum á að hafa forystu áður en þeir keyrðu saman og duttu báðir. Josh Grant fékk sigurinn því á silfurfati en Reed náði að standa á fætur og ljúka í þriðja sæti þrátt fyrir að vera frambremsulaus eftir krassið. Stewart náði ekki hjólinu sínu í gang og hætti keppni. Josh Grant var að keppa í sinni fyrstu keppni í stóra flokknum. Í 250cc flokknum voru allir að bíða eftir að sjá ungu upprennandi stjörnurnar Ryan Dungey, Jason Lawrence og Trey Canard slást um sigurinn. Það varð þó ekki raunin því Canard og Lawrence duttu saman í annari beygju og voru lengi á fætur. Jake Welmer á Kawasaki tók því bikarinn heim. Motocross.is óskar ykkur gleðilegs nýs árs og þakkar fyrir þau gömlu. Árið 2008 var ágætt hjá motocross.is. Heimsóknir á vefinn voru svipaðar og árið á undan og má því segja að hann sé orðinn fastur liður í mótorhjólamenningunni enda farinn að nálgast fermingaraldurinn. Vefurinn var tekinn í gegn í nóvember í tilefni af 30 ára afmæli VÍK og er sú framkvæmd rétt að byrja. Strax á nýju ári má fólk búast við áframhaldandi miklum breytingum. Bæði verða breytingar á innihaldi og útliti og ekki má gleyma tækninýjungum sem eiga eftir að koma smátt og smátt. Fylgist því vel með og hjólið varlega á árinu. | |
| ||
