Kreppukeppnin fór fram í blíðskaparveðri í Þorlákshöfn í dag. Reyndar var þetta eiginlega bliðskapa-rgluggaveður því það var um 20 stiga frost þegar vindkælingin var tekin með. Þorlákshafnarmenn létu þetta ekkert á sig fá og brautin þeirra var í góðu standi, hörð og nánast klakalaus. Keppendur mættu vel búnir til leiks með lúffur og andlitsgrímur. Menn og konur sýndu að ekkert mál er að búa hér á hjara veraldar.

Þakka ber skipuleggjendum keppninnar fyrir framtakið og skemmtilegt að sjá að menn nenni að standa í þessu yfir háveturinn. Ekki skemmdi fyrir stemmningunni að það voru sérsmíðaðir verðlaunagripir fyrir alla sem komust á verðlaunapall auk þess sem þeir fengu roð- og beinlaus ýsuflök og sigurvegarar kassa af humri.

Atli #669 vann Opna flokkinn og Valdi #270 varð í öðru sæti…nánari úrslit og myndir á eftir.

Nú er um að gera að skreppa á rúntinn í góða veðrinu, kíkja í Þorlákshöfn og sjá hörkutólin sem þorðu að skrá sig í Kreppukeppnina. Best er að búa sig vel, síðar nærbuxur og þykkt úlpa. Svo væri ekki verra að vera með kakó í brúsa inní bíl.

Keppnin hefst klukkan 12.15 og er dagskráin í frétt hérna fyrir neðan.

Það var mjög góð mæting og húsfyllir á félagskvöldinu í gærkvöldi. Ásgeir og Einar fóru yfir allt það helsta varðandi ljós og nætur og vetrarakstur. Fjöldi nýrra andlita sást á staðnum þannig að það er ljóst að mikill áhugi er fyrir næturenduroinu. Næsta félagskvöld verður á fimmtudaginn eftir tvær vikur.

Myndir hér: http://album.123.is/?aid=126145

Kveðja,
Keli

Lesa meira »

Nýjasta nýtt hjá Team Honda Racing.

Það á að ganga alla leið hjá THR í því að verða keppnisklárir fyrir n.k sumar. Og ekkert er til sparað svo að það verði raunin.

Það eru sko ekki aumingjar í liðinu okkar ooooooooooooonei. Viðbótin við vetraræfingar THR er SJÓSUNDá Miðvikudögum. Þetta er að sjálfsögðu gert til þess að liðsmenn verði ekki vælandi þó að rigni smá eða blási

Að sjálfsögðu völdum við tvo úr liðinu sem hafa hvað mest af hitagjafa utan á sér.

Veit ekki alveg hvort að þeir voru sjálboðaliðar, en í sjóinn voru þeir sendir.

Fórnarlömbin í þessa ferð voru Eyþór Reynis og Jón Bjarni Einars.

SJÁ NÁNAR Á HONDARACING.IS