Aron Ómarsson sigraði í síðustu umferð íslandsmótsins í motocross sem fram fór í blíðskaparveðri í Bolaöldum í dag. Einar Sigurðarson landaði þó titilinum í MX1 flokki.
Gunnlaugur Karlsson varð Íslandsmeistari í MX2, Guðmundur Kort í 85cc flokki, Signý Stefánsdóttir í Opnum kvennaflokki, Bryndís Einarsdóttir í 85cc kvennaflokki og loks Sölvi B. Sveinsson í MX-unglingaflokki en þar var gríðarleg spenna í dag.

Frétt Sjónvarpsins um keppnina
Úrslitin úr keppninni
Staðan í Íslandsmótinu
Myndir frá motocross.vefalbum.is

Lesa meira »

Ég kíkti í Bolaöldu um 6 leytið í kvöld og ástandið var nokkuð gott miðað við úrhellið fyrr í dag. Nokkur blaut svæði voru í brautinni en önnur svæði litu vel út. Startgrindurnar eru komnar upp en smáfrágangur var þar eftir. Aðstaðan er í toppmálum og stjórnarmeðlimir og fleiri unnu hörðum höndum við að koma öllu í toppstand fyrir keppnina.
HÁ.

Lesa meira »

Keppnisstjórn VÍK hefur ákveðið að fresta 5. umferð Íslandsmótsins í Moto-Cross sem fara átti fram á morgun laugardaginn 30. ágúst. hefur verið frestað til sunnudagsins 31. ágúst. ATH ! að sjálsögðu er keyrt eftir sömu dagskrá og venjulega. Ástæða frestunar keppninnar er slæmt veður í nágrenni Reykjavíkur sem eftir veðurspám kemur til með að standa fram yfir hádegi á morgun, laugardag. Veðurspáin fyrir sunnudaginn er frábær léttskýjað, sól og 14c hiti. Sjáumst öll kát og hress kl: 9:00 á sunnudagsmorgun. Vinsamlega látið þetta berast á sem flesta og gott væri að keppendur hefðu samband sín á milli til að koma þessum skilaboðum áfram.

kveðja,
Keppnisstjórn VÍK

Lesa meira »

Keppendur og aðrir bíða spenntir eftir því hvort lokaumferðin verður á laugardag eða sunnudag. Nú þegar klukkustund er í ákvörðun keppnisstjórnar um keppnisdag lítur út fyrir áframhaldandi rigningu á morgun en bongóblíðu á sunnudag (www.vedur.is).
Nokkuð víst er að brautin verði blaut og að 100
kúplinssett verða seld í umboðum landsins á mánudaginn en hátt í 100
keppendur eru einmitt skráðir til leik.
Motocrosskeppnir eiga það til að draga að sér lægðir og rigningaský en ljóst er að allir keppendur sitja við sama borð og ekkert verður gefið eftir. Keppnin er hörð og góð barátta í
mörgum flokkum þannig að áhorfendur eru hvattir til að mæta hvort sem þörf er á regnkápu eða ekki.

Lesa meira »

Veðurspáinn fyrir föstudaginn 29. ágúst og laugardaginn 30. ágúst er slæm fyrir Reykjavíkursvæðið og hefur keppnisstjórn VÍK fyrir 5. umferð Íslandsmótsins í Moto-Cross sem fara á fram í Bolöldu laugardaginn 30. ágúst ákveðið að hugsanlega verði keppninni frestað til sunnudagsins 31. ágúst. Keppendur eru beðnir að fylgjast með tilkynningu sem birt verður á morgun, föstudag um kl: 15:00 þar sem endanleg ákvörðun verður tilkynnt. Ef veðurspá og veður gerir það að verkum að fresta þurfi keppninni til sunnudagsins mun að sjálfsögðu verða keyrt eftir sömu dagskrá og venjulega.
Kveðja, Keppnisstjórn VÍK.
Lesa meira »

Motocross 06/07 DVD diskurinn sem kom út fyrir jólin í fyrra verður seldur í sjoppunni í Bolaöldu um helgina á hlægilegu verði, aðeins 2.000,- kr. fyrir tvöfaldan disk sem inniheldur allar motocrosskeppnir áranna 2006 og 2007. Þetta er skyldueign fyrir alla í sportinu. Takmarkað upplag. Einnig er hægt að panta diskinn með því að senda mail á msveins@simnet.is

Lesa meira »

MX- brautin verður opin í kvöld og annað kvöld en á fimmtudaginn er stefnt á að vera með alls herjar vinnukvöld frá kl. 18 til að gera brautina og svæðið klárt fyrir keppni. Brautin hefur verið möluð og löguð mikið undanfarið og í dag var keyrt nýtt efni á nokkra staði í brautinni. Þá er nýbúið að steypa startkafla fyrir 40 hjól og unnið er að smíði og uppsetningu nýrra starthliða sem eiga eftir að koma mjög vel út.
Þannig að! – það eru allir þessir sömu gömlu á fullu og nú vantar ykkar hjálp til að klára pakkann sem best fyrir helgina

Lesa meira »