Þessi gaur er aðeins meira freestyle en hann ætlaði sér

<link>

Lesa meira »

Nú er VÍK með nýja skoðanakönnun í gangi hér á vefnum. Spurt er hvort krakkar og unglingar hafi áhuga á að nota frístundakort til að greiða fyrir námskeið á torfæruhjóli. Vinsamlega svara samviskusamlega svo mark sé hægt að taka á niðurstöðunni. Könnunin er hér í vinstri dálki.

Lesa meira »

Í grein eftir alþingiskonuna Siv Friðleifsdóttur, sem birt er í dag í 24-stundum, fjallar Siv meðal annars um viðhorf núverandi umhverfisráðherra til vélhjólafólks, sem birtist í svari ráðherra við fyrirspurn hennar á Alþingi. Fyrirspurnin var gerð í frammhaldi skýrslu Umhverfisnefndar MSÍ/VÍK, og voru viðbrögð umhverfisráðherra, Þórunnar Sveinbjarnardóttur, vægast sagt mikil vonbrigði, og báru vott um skilningleysi!

Smellið hér til að lesa blaðið (sjá bls. 15)

Aðalfundur VÍK var haldinn fimmtudaginn 21. febrúar kl. 20 í húsakynnum ÍSÍ í Laugardal. Mæting var dræm og hefði vissulega verið gaman að sjá fleiri félagsmenn koma á fundinn og sýna starfinu meiri áhuga. Á fundinum fóru fram hefðbundin aðalfundarstörf. Farið var yfir skýrslu stjórnar og reikninga félagsins.

Velta VÍK á síðasta ári var 21,7 milljón á móti 11,7 milljónum á árinu 2006 og munaði mest um styrki til félagsins frá ÍTR og ÍBR og fleiri aðilum. Tap var á hefðbundnum rekstri sem nam 813 þús kr.
Heildarniðurstaða ársins þegar tillit er tekið Fjármunatekna, skatta og óreglulegra liða var þó 209 þús. kr. hagnaður sem verður að teljast viðunandi miðað við allar þær framkvæmdir sem félagið hefur lagt í árinu s.s. lagning rafmagns í Bolaöldu, kaupa á jarðýtu og fleiri tækjum.

Lesa meira »

Tveir menn féllu niður um ís á Hvaleyrarvatni um þrjúleytið í dag. Að sögn lögreglunnar á höfuðborgarsvæðinu voru þeir að keyra á torfæruhjólum á ísnum sem var ekki nógu traustur. Hringt var í Neyðarlínuna og komu menn frá Slökkviliði höfuðborgarsvæðisins á staðinn með búnað til að bjarga mönnunum á þurrt.

Að sögn lögreglu voru mennirnir, sem eru feðgar, blautir og kaldir en að öðru leyti varð þeim ekki meint af.

tekið af mbl.is

Í gær var úthlutað styrkjum úr afrekssjóði
Íþróttabandalags Reykjavíkur og SPRON, úthlutað var til 5.600.000 kr til 34
verkefna, auk þess Reykvískir Íslandsmeistarar fengu
viðurkenningu.

Það voru 18 manns úr VÍK sem fengu viðurkenningu, íslands-
og liðameistarar 2007, auk þess fékk Heiðar Gretarsson #900 styrk vegna
æfingaferðar erlendis.  Það var þokkaleg mæting, en 11 mættu til þess að taka á
móti viðurkenningunni, en í það minnsta 3 eru við æfingar
erlendis.

Lesa meira »

Nú liggur fyrir endanleg dagskrá fyrir eina stærstu akstursíþróttahelgi ársins – MÝVATN 2008.
Allar nánari upplýsingar um mótshelgina veitir starfsfólk Mývatn ehf í síma 464-4164 eða á myvatn@myvatn.is.

Lesa meira »