Á morgun 1. maí verður stóra motocrossbrautin í Bolöldu lokuð til kl. 15 á meðan unnið verður með jarðýtunni í henni. Í dag er búið að slétta brautina og rífa upp hörðustu kaflana. Á morgun verð stökkpallarnir lagaðir og stækkaðir. Brautin verður opnuð kl. 15 stundvíslega og ætti að verða í mjög góðu standi seinnipartinn.

Lesa meira »

Á morgun (þriðjudag 1 maí) er frí í skólunum og þá væri gaman ef minnstu ökuþórarnir (50-65cc) gætu hist. Hugmyndin var að gera eitthvað fyrir minnsta hópinn sem hingað til hefur líka fengið minnst (en það mun breytast fljótlega)- hittast í Bolöldu um klukkan 10 og hjóla saman. Við áttum svona óformlegann "púkahitting" síðasta sumar. Þá komu margir og var mikið gaman. Munið að fara varlega og hafa gaman.
Kv Púkapabbi.
Lesa meira »

AÍH vill koma á framfæri að það er akstursbann á keppnissvæðinu á Hellu fram að keppni. Eitthvað hefur borið á því að menn hafa verið að æfa sig þar upp á síðkastið og við getum átt það á hættu að missa svæðið ef bannið er ekki virt. Keppnin er haldin á einkalandi og er háð leyfi landeigenda. Ef upp kemst að keppendur eru að aka þarna þá eiga þeir á hættu að vera kærðir til lögregluyfirvalda og verða vísað úr keppni. Við viljum ekki missa þetta svæði og þurfum á því að halda að menn virði bannið. Með hjólakveðju Stjórn AÍH
Lesa meira »

Á frídögum sem hafa verið margir undanfarið hefur verið líf og fjör á Bolaöldum. Um 100 manns er að keyra í stóru motocrossbrautinni og um 20-40 unglingar eru að nota litlu crossbrautirnar. Eina vandamálið hefur verið að geta þjónustað þá sem vilja keyra enduro, en allar endurobrautirnar eru enn formlega lokaðar þar sem að í þeim er mikil drulla og nánast vonlaust að keyra þær. Þó fór ég inn í eina leiðina á traktornum og miðað við hvað leiðin þornaði mikið í dag þá ætti að vera hægt að opna nokkrar leiðir 1. maí, en á mánudagskvöld mun
Lesa meira »

Þeir sem mæta á fræðslufundi Umhverfisnefndar VÍK 2. og 9. maí í Bolaaöldu, eiga kost á því a kaupa bækur Jóns Snælands, Utan alfaraleiða og Ekið um óbyggðir, með sérstökum afsláttarkjörum, eða 3000kr/stk. Einnig verður bók Jakobs Þórs, Iceland overland – handbook and planning guide for motorcyclists, seld á sérstökum afsláttarkjörum eða 1500kr/stk. Skoðið “Á döfunni” hér til hliðar fyrir nánari upplýsingar um fræðslufundina. Umhverfisnefnd MSÍ og VÍK.

Lesa meira »

VÍK hvetur menn til að taka þátt í þessari könnun:

Við erum nemendur úr Háskólanum í Reykjavík sem erum að vinna að viðskiptaáætlun um byggingu og rekstur motocross húss.
Við erum að kanna viðhorf þeirra sem stunda motocross íþróttina hér á landi fyrir svona aðstöðu og þætti vænt um að þið gætuð tekið stutta könnun sem tengist því
 
Smellið á linkinn til að taka könnunina:

ath. nauðsynlegt er að svara þeim spurningum sem merktar eru með stjörnu.
 
Með fyrirfram þökk,
Aðalsteinn, Anna Rakel, Anna Sif, Bjarni, Ingibjörg, Margrét og Sara, nemendur við Háskólann í Reykjavík

Lesa meira »

Einhverjir óprúttnir aðilir í útlöndum virðast hafa mikinn á motocross.is. Þeir voru að reyna að komast inná hana í gær og því varð að loka síðunni á meðan byggðir voru auka-varnarveggir á tölvukerfið. Menn mega búast við einhverjum óþægindum næstu daga.
Í leiðinni verður gerð upphersla á smáauglýsingakerfinu þar sem verður aftur hægt að setja inn myndir með auglýsingum. Kerfið verður tilbúið fljótlega.
Vefnefnd

Lesa meira »