Svæðið við Bolaöldu er allt að koma til og krossbrautin er komin í ljós og hefur nánast ekkert skemmst í flóðunum undanfarið. Enduroslóðarnir allir eru þó ALGJÖRLEGA ÓFÆRIR og eru lokaðir – sandhringurinn í Jósepsdal er hins vegar frábær! Hjörtur heflaði stóru brautina í dag og hún er orðin vel fær þó það séu pollar og einhver bleyta á nokkrum stöðum. Litla brautin er í góðu standi og mega stóru hjólin fara í hana á meðan önnur svæði eru ófær. Á gamlársdag eru góðar veðurhorfur og því um að gera að mæta á svæðið í síðasta skipti á árinu.
 | ||
Aron Icemoto og Stefán Briem eru með flugeldasölu á Aktu Taktu í Mjódd og bjóða öllum hjólamönnum 25% afslátt af flugeldum. Flugeldasalan er til styrktar krabbameinssjúkum börnum. Kaffi og toblerone á staðnum. Félagsmönnum hjá VÍK býðst 25% afsláttur af flugeldum hjá Gæðaflugeldum Smiðjuvegi 4 Græn gata. Þetta virðist hafa dottið út af vefnum. Til að árétta það að allar motocrossbrautir eru lokaðar í a.m.k. næstu 3 daga og verður þetta endurskoðað í hádeginu næsta laugardag (eins og staðan var í dag annann í jólum var um þriðjungur brautarinnar undir vatni og það sem ekki var undir vatni var eitt drullusvað og er það bara skemmdarstarfsemi að vera að keyra við svoleiðis aðstæður. Litlu brautirnar eru báðar eitt drullusvað og mikið af pollum í þeim). Á meðan vil ég benda á brautina í Þorlákshöfn, en að sögn Kela formanns er hún frábær, en hann var þar á Jóladag. Eftir að vefurinn krassaði , þá er ljóst að eitthvað hefur dottið út af því sem var komið inn á vefinn. Biðjumst við velvirðingar á óþægindunum. Vefstjóri og VÍK óska öllum hjólamönnum og konum, strákum og stelpum, til sjávar og sveita, gleðilegra jóla og farsæls komandi hjólaárs. | ||
| ||
