Vefurinn Motorcyclenews.com er að kjósa mótorhjólamann ársins. Þarna eru ýmsir hjólamenn úr hinum og þessum hjólagreinum. Sá sem við þekkjum trúlega flestir best er Íslandsvinurinn David Knight, og nú er um að gera að fara inn á vefinn hér, og kjósa okkar mann. Við förum varla að láta einhvern götuhjólagaur vinna þetta.
Lesa meira »

Núna er orðið klárt hvar MXON verður haldið á næsta ári. England varð fyrir valinu og verður keppnin haldin 23 og 24 september í hinni sögufrægu Farleigh castle braut, sem er nálægt bænum Bath. Bath er 260 km vestur af Stansted, þannig að ekkert mál er fyrir okkur hér á klakanum að skutlast yfir hafið og kíkja á þetta. Hér er væntanleg heimasíða.

Lesa meira »

Til að þeir sem ekki mættu á opna fundinn sem VÍK hélt á miðvikudaginn geti glöggvað sig frekar á því sem þar fór fram, þá eru hér glærusýningar þeirra sem voru með þær. Fyrst er það Aron sem bar saman stöðuna á Íslandi og í Svíðjóð. Jóhann Hallsdórsson Lögfræðingur var svo með þessar glærur meðan hann talaði um misræmi í reglum um torfærutæki. Gunnar Bjarnason umhverfisnefnd var með þessa hér, og að síðustu var það Hrafnkell sem stóð upp og bar undir fundinn ályktun, sem var samþykkt með öllum greiddum atkvæðum.
Lesa meira »

Vélhjólaíþróttaklúbburinn (VÍK) hélt á miðvikudagskvöldið vel heppnaðan opinn fund um málefni torfæruhjólafólks á Íslandi. Fjallað var m.a. um stöðuna skv. umferðarlögum og reglugerðum, tryggingar og tryggingavernd, barnakross og önnur atriði sem hafa verið í umræðunni undanfarið.
Frummælendur á fundinum voru Aron Reynisson, fulltrúi í Hjóla- og sleðanefnd ÍSÍ, sem ræddi stöðu torfæruhjólaíþrótta í Svíþjóð og bar hana saman við stöðuna hér á landi. Jóhann Halldórsson lögfræðingur og
Lesa meira »

Við minnum enn og aftur á  opinn fund VÍK í kvöld kl. 20.00 í fundarsal ÍSÍ í Laugardal. Áhersla fundarins verður á stöðu torfæruhjóla skv. umferðarlögum og reglugerðum, á tryggingar og tryggingavernd og önnur atriði sem hafa verið í umræðunni undanfarið. Fundurinn er öllum opinn á meðan húsrúm leyfir.
Þeir sem verða með framsögu á fundinum eru:
Lesa meira »

11. umferð GNCC fór fram um helgina og skemmst frá því að segja að Juha Salminen KTM sigraði. Salminen datt í fyrstu begju og setti lítið gat á pústið hjá sér, sem reyndar varð stærra þegar á leið keppnina og einnig skemmdi hann bensínbarkann, en sem betur fer tók hann ekki eftir því fyrr en eftir keppnina. Eftir krassið var hann með þeim síðustu en var kominn í topp þrjá eftir fyrsta hring. Eina alvöru keppnin sem hann fékk var frá Barry Hawk á Yamaha og Nathan Kanney Yamaha. Þeir þrír skiptust á að hafa forystu í keppninni. Ekki leið á löngu þar til að þessir þrír fóru að hringa hægari ökumenn og þá hægustu hringuðu félagarnir þrisvar, þótt að keppnin hafi verið átta hringir. Salminen sigraði með mínútu mun, Kanney varð annar og Hawk þriðji. Salminen hefur nú 55 stiga forystu í keppninni.
Lesa meira »

Félagar, sýnum gott fordæmi og ökum ekki torfæruskráðum hjólum innanbæjar.  Akstur þeirra er einungis löglegur á þar til gerðum akstursíþróttasvæðum og á einkalandi.  Bætum ímynd okkar og sýnum þroska.  Rautt númer = kerra eða sendibíll út úr bænum.

Lesa meira »