Vefmyndavél

Arngold kominn í gang

Fyrir þá sem ekki hafa fylgst með framgangi Argnolds hér á síðunni þá er Argnold borinn og fæddur hjá Vélhjól og Sleðar. VHS tók sig til fyrr í sumar og hóf verkefni sem strax fékk nafnið Argnold. Argnold er Kawasaki KX250 þar sem mótorinn var látinn fjúka og mótor úr KX500 settur í staðinn. Tilkynning frá VHS barst vefnum um að Argnold væri kominn í gang.

Þegar Argnold fór í gang stóðu margir þöglir og biðu eftir þrumuveðri eða einhverju sérstaklega dularfullu. Það varð reyndar hellt verulega úr fötunni þetta kvöld. Sem betur fer eftir testið. Hópurinn sem fylgdist með sagði ekki orð, nema þegar Raggi fór af stað í annað skiptið með Argnold heitann. Þegar hann setti í 3ja og opnaði, heyrðist: Hmm! Það hann greinilega tekur á! Þá var 10m svart strik eftir Argnold á götunni og karlinn farinn á afturdekkinu. It’s ALIVE!!!!!

Nú er bara að bíða og sjá. Séð utanfrá VHS virtist sem verkefninu væri hrint af stað vegna óánægju Ragga með eigin framgöngu í keppnum. Meðan á smíðinni hefur staðið hefur Raggi hinsvegar tekið sig hressilega á og er farinn að skila liði VHS topp árangri. Spurningin síðan hvort Raggi haldi því striki áfram eða hætti árangri sínum með því að stökkva upp á Argnold?

Leave a Reply